ତାଳଚେର(ସୁବ୍ରତ ପଟ୍ଟନାୟକ):କେନ୍ଦ୍ର ଶିକ୍ଷା ଦକ୍ଷତା ବିକାଶ ଓ ଉଦ୍ୟୋମିତା ବିଭାଗ ମନ୍ତୀ ଧର୍ମେନ୍ଦ୍ର ପ୍ରଧାନ ଙ୍କ ଜନ୍ନ ଦିବସ କୁ ତାଳଚେର ବିଜେପି ଉତ୍ସାହର ସହ ପାଳନ କରିଛି |ତାଳଚେର ପୌରମଣ୍ଡଳ ବିଜେପି ପକ୍ଷରୁ ବରିଷ୍ଠ ନେତା ଯଯାତି ପଟ୍ଟନାୟକ ଙ୍କ ନେତୃତ୍ୱରେ ସ୍ଥାନୀୟ ବାଘୁଅବୋଲ ଶିବ ମନ୍ଦିର ର ପରିସରରେ ବୃକ୍ଷ ରୋପଣ କରିବା ସହ ସାମୁହିକ ଭାବେ ପୂଜାର୍ଚନା ଓ ପ୍ରଦୀପ ପ୍ରଜ୍ବଳନ କରାଯାଇଥିଲା |ଏହି କାର୍ଯ୍ୟକ୍ରମ ରେ କାଳନ୍ଦୀ ପ୍ରଧାନ, ନିରୋଜ ଦାସ, ଜ୍ଞାନେନ୍ଦ୍ରୀୟ ସେଠି, ବାଲ୍ମୀକି ପ୍ରସାଦ କେଶରୀ, ଶ୍ରମିକ ନେତା ଅଶୋକ ସାମନ୍ତ, ମନୋରଞ୍ଜନ ପ୍ରଧାନ, ଅନୁପ ସେନଗୁପ୍ତ, ଅନିତା ବିଶ୍ୱାଳ, ମୃଣାଳିନୀ ପଟ୍ଟନାୟକ,ମିଲ୍ଲୀ ପ୍ରଧାନ, ସତ୍ୟବନ୍ତ ସାହୁ ଭଜମନ ବେହେରା, ଅକ୍ଷୟ ବିଶ୍ୱାଳଙ୍କ ସମେତ ଶତାଧିକ କାର୍ଯ୍ୟକର୍ତା ଓ ସାଧାରଣ ଲୋକ ଉପସ୍ଥିତ ରହି ପୂଜାର୍ଚନା କରିବା ସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ଉତ୍ତରୋତ୍ତର କାମନା କରିଥିଲେ |ସେହିପରି ରେଳ ମଣ୍ଡଳ ରେ ସନ୍ଥପଡା ଓ ଦିଗ ଗ୍ରାମର ସ୍ମଶାନ ଓ ଖୋଲୁଆ ଶିବ ମନ୍ଦିର ପରିସରରେ ବୃକ୍ଷ ରୋପଣ କରାଯାଇଥିଲା ଏବଂ ଖୋଲୁଆ ଶିବ ମନ୍ଦିର ରେ ପୂଜାର୍ଚନା କରାଯାଇଥିଲା |ଏଥିରେ ପ୍ରାକ୍ତନ ବ୍ଲକ ଅଧ୍ୟକ୍ଷ ବୃନ୍ଦାବନ ବେହେରା, ସହଦେଵ ସାହୁ,ସନ୍ତୋଷ ମହାନ୍ତି, ପୁଲିନ ବିହାରୀ ନାୟକ,ସୁଶାନ୍ତ କୁମାର ଦାସ, ମଦନ ମୋହନ ପ୍ରଧାନ ଙ୍କ ସମେତ ବହୁ କାର୍ଯ୍ୟକର୍ତା ଉପସ୍ଥିତ ଥିଲେ |ସେହିପରି ଗୋପାଳ ପ୍ରସାଦ ଓ କୁମୁଣ୍ଡା ରେ ମଣ୍ଡଳ ସଭାପତି ରାଜେନ୍ଦ୍ର ସିଂହ, ପ୍ରାକ୍ତନ ସରପଞ୍ଚ ବିରଞ୍ଚି ସାହୁ ଙ୍କ ନେତୃତ୍ୱରେ ବୃକ୍ଷ ରୋପଣ ଓ ପୂଜାର୍ଚନା କରାଯାଇଥିଲା |ଧରମପୁର ପଂଚାୟତ ରେ ଅଜୟ ସାହୁ, ଦିବ୍ୟଲୋଚନ ଦାସ ଙ୍କ ନେତୃତ୍ୱରେ ବୃକ୍ଷ ରୋପଣ ଓ ପୂଜାର୍ଚନା କରାଯାଇଥିଲା |କଂକିଳି ପଂଚାୟତ ରେ ସୁଶାନ୍ତ ପ୍ରଧାନ ଓ ଖଇରା ପ୍ରଧାନ ଙ୍କ ନେତୃତ୍ୱରେ ଅନୁରୂପ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି |ତାଳଚେର ବ୍ଲକ ର ବିଭିନ୍ନ ପଂଚାୟତ ରେ ଏହିଭଳି କାର୍ଯ୍ୟକ୍ରମ ମାନ ଅନୁଷ୍ଠିତ ହୋଇ ଯାଇଛି |କାର୍ଯ୍ୟକର୍ତା ଓ ସାଧାରଣ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା |
