ଅନୁଗୋଳ(ସୁବ୍ରତ ପଟ୍ଟନାୟକ) : ଅନୁଗୋଳ ବ୍ଲକ ଅନ୍ତର୍ଗତ ଅନ୍ତୁଳିଆ ଗ୍ରାମ ବିଦ୍ୟାଳୟରେ ପ୍ରଥମ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ଙ୍କ ପାଠପଢା ର ବ୍ୟବସ୍ଥା ରହି ଅଛି। ବର୍ତ୍ତମାନ ବିଦ୍ୟାଳୟରେ ମୋଟ ୩୦୪ ଜଣ ଛାତଛାତ୍ରୀ ପାଠ ପଢୁଛନ୍ତି। ତେବେ ସେହି ବିଦ୍ୟାଳୟରେ ୧୭ ଜଣ ଶିକ୍ଷକ ବଦଳରେ ୮ ଜଣ ଶିକ୍ଷକ ଶିକ୍ଷାଦାନ ପାଇଁ ନିୟୋଜିତ ଅଛନ୍ତି । ଆବଶ୍ୟକ ଶିକ୍ଷକ ଅଭାବରୁ ଅନେକ ସମୟରେ ଶିକ୍ଷା ଦାନ ରେ ଚରମ ଅବହେଳା ହେଉଥିବା ଅଭିଯୋଗ ହୋଇଛି । ଅଭିଭାବକ ମାନେ ବାରମ୍ବାର ଅଭିଯୋଗ କରିବା ପରେ ମଧ୍ୟ ଜିଲ୍ଲା ପ୍ରଶାସନ କୌଣସି ପଦକ୍ଷେପ ନେଉ ନଥିବା ରୁ ଆଜି ବାଧ୍ୟ ହୋଇ ଜିଲ୍ଲାପାଳଙ୍କୁ ଅଭିଭାବକ ମାନେ ଅଭିଯୋଗ କରିଛନ୍ତି। ଆଗାମୀ ସାତ ଦିନ ମଧ୍ୟରେ ଏହି ଅଭିଯୋଗ ର କୌଣସି ସମାଧାନ ନ ହୁଏ ତା ହେଲେ ବିଦ୍ୟାଳୟ କୁ ପିଲାମାନଙ୍କୁ ଛାଡିବେ ନାହିଁ ଏବଂ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି ଅଭିଭାବକ।