ଅନୁଗୋଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ଫୁଲପଡା ଗ୍ରାମର ବସନ୍ତ ଗୋଚ୍ଛାୟତଙ୍କ ସ୍ତ୍ରୀ କାଜଲ ଗୋଚ୍ଛାୟତଙ୍କ ସନ୍ଦେହ ଜନକ ଭାବେ ମୃତ୍ୟୁ ଘଟିଛି । କାଜଲଙ୍କ ପରିବାର ଲୋକେ ଆଣିଲେ ହତ୍ୟା ର ଅଭିଯୋଗ ।ମିଳିଥିବା ସୂଚନା ଅନୁଯାଇ ବସନ୍ତ ଗୋଚ୍ଛାୟତ ଙ୍କର କାଜଲ ହେଉଛନ୍ତି ପ୍ରଥମ ସ୍ତ୍ରୀ ଏବଂ କାଜଲ ଙ୍କର ୩ଟି ପିଲା ଅଛନ୍ତି। କିଛି ଦିନ ହେବ ବସନ୍ତ ଅନ୍ୟ ଜଣଙ୍କୁ ବିବାହ କରିଥିବା ସୂଚନା ମିଳିଛି। ଦ୍ବିତୀୟ ସ୍ତ୍ରୀ ଏବଂ ବସନ୍ତ ସଡଜନ୍ତ୍ର କରି ମାରି ଦେଇଛନ୍ତି ବୋଲି କାଜଲ ଙ୍କ ବାପା ଏବଂ ଭାଉଜ ଅଭିଯୋଗ କରିଛନ୍ତି। ଗତ କାଲି କାଜଲଙ୍କ ଦେହ ଖରାପ ହେବାରୁ ତାଙ୍କୁ ଅନୁଗୋଳ ମୁଖ୍ୟ ଚିକିତ୍ସାଳୟ ଆଣିଥିଲେ । ଚିକିତ୍ସାଧିନ ଅବସ୍ଥାରେ କାଜଲଙ୍କ ମୃତ୍ୟୁ ହୋଇଥିଲା । କାଜଲଙ୍କ ବାପା ଚିକିତ୍ସାଳୟ ପହଞ୍ଚିଲା ପରେ ତାଙ୍କ ଝିଅଙ୍କୁ ମିଶିକି ହତ୍ୟା କରାଯାଇଛି ବୋଲି ବଅଁରପାଳ ଥାନାକୁ ଲିଖିତ ଅଭିଯୋଗ କରିଥିଲେ। ବଅଁରପାଳ ଥାନା ମୁଖ୍ୟ ଚିକିତ୍ସାଳୟ ପହଁଚି ଶବକୁ ଜବତ କରି ତଦନ୍ତ ଚଳାଇଛି। ଶବକୁ ବ୍ୟବଚ୍ଛେଦ କରିବା ପାଇଁ ବ୍ୟବଚ୍ଛେଦ ଗୃହକୁ ପଠେଇ ଦେଇଛି ବଅଁରପାଳ ଥାନା। ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି