ଅନୁଗୋଳ: ଅନୁଗୁଳ ଜିଲାରେ ପୁଣି ବାଘ ମୃତ୍ୟୁ । ଜିଲା ର ଆଠମଲ୍ଲିକ ବନଖଣ୍ଡ , ଧଣ୍ଡାଟୋପା ରେଞ୍ଜ ବାତ୍ରାଖୋଲ ଅଞ୍ଚଳରୁ ଠାବ ହୋଇଛି ଏହି ଅଣ୍ଡିରା କଲରାପତାରିଆ ବାଘ । ସେପଟେ କେଉଁ ପରିସ୍ଥିତିରେ ବାଘ ଟି ର ମୃତ୍ୟୁ ହୋଇଛି ସେ ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ।
ଅନ୍ୟପକ୍ଷରେ ଏ ନେଇ ଖବର ପାଇବା ପରେ ଆଠମଲ୍ଲିକ ବନଖଣ୍ଡ ଅଧିକାରୀ ଙ୍କ ନିର୍ଦେଶ ପରେ ଘଟଣା ସ୍ଥଳରେ ସ୍ଥାନୀୟ ବନ କର୍ମଚାରୀ ମାନେ ପହଂଚି ତଦନ୍ତ ଆରମ୍ବ କରିଛନ୍ତି ।
ଏନଟିସିଏ ର ଗାଇଡ଼ ଲାଇନ ଅନୁସାରେ ମୃତ ବାଘ ର ଶବ ବ୍ୟବଚ୍ଛେଦ ସହ ଅନ୍ୟାନ୍ୟ କାର୍ଯ୍ୟ ସମାପନ ହେବ ବୋଲି ଜଣାପଡିଛି ।
ବନ ବିଭାଗ ର ପ୍ରାଥମିକ ତଦନ୍ତ ରୁ ବାଘ ଟିର କେତେକ ସ୍ଥାନରେ କ୍ଷତ ଚିହ୍ନ କୁ ଠାବ କରାଯାଇଛି ।
ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ବାଘ ମୃତ୍ୟୁ ର ପ୍ରକୃତ କାରଣ ଜଣା ପଡିବ ବୋଲି କହିଛନ୍ତି ଆଠମଲ୍ଲିକ ଡ଼ିଏଫଓ ।
ଅନ୍ୟପକ୍ଷରେ ଶିକାରୀ ଙ୍କ ଦ୍ଵାରା ବିଛା ଯାଇଥିବା ଫାଶ ରେ ଦୀର୍ଘ ସମୟ ଧରି ପଡି ରହିବା ପରେ ବାଘ ଟିର ମୃତ୍ୟୁ ହୋଇଥିବା ଓ ବାଘ ଟି ମୃତ୍ୟୁ ବରଣ କରିଥିବା ପ୍ରକୃତ ସ୍ଥାନ ରୁ ତାର ଶରୀର କୁ ଅଣା ଯାଇ ଅନ୍ୟଏକ ସ୍ଥାନରେ ପକାଯାଇଥିବା ଓ ସମ୍ପୃକ୍ତ ଘଟଣା ରେ ଏକାଧିକ ଲୋକ ଙ୍କ ସମ୍ପୃକ୍ତି ରହିଥିବା ଆଲୋଚନା ହେଉଛି ।
