Angul News:ଅନୁଗୁଳ: ଅନୁଗୁଳ ଜିଲ୍ଲାରେ ଥିବା ସମସ୍ତ ଉପଖଣ୍ଡ ଡାକ୍ତର ଖାନା ଓ ଗୋଷ୍ଠୀ ସ୍ଵାସ୍ତ୍ୟ କେନ୍ଦ୍ର ଗୁଡିକରେ ଆବଶ୍ୟକ ସଂଖ୍ୟକ ଡାକ୍ରର ନାହାନ୍ତି, ଫଳରେ ସମସ୍ତ ରୋଗୀ ଙ୍କୁ ବାହାରକୁ ରେଫର କରିବାକୁ ପଡୁଛି |ଗରିବ ରୋଗୀ ମାନେ ବାହାରକୁ ରେଫର ହୋଇ ଅଯଥା ରେ ଖର୍ଚ୍ଚାନ୍ତ ହୋଇ ସର୍ବସ୍ରାନ୍ତ ହେଉଛନ୍ତି |ଆଜି ଗୁରୁବାର ଅନୁଗୁଳ ବିଜେପି ଜିଲ୍ଲା ସଭାପତି ଯଯାତି ପଟ୍ଟନାୟକ ଓ ଅନୁଗୁଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ ଭୁବନେଶ୍ୱର ରେ ସ୍ଵାସ୍ତ୍ୟ ମନ୍ତ୍ରୀ ଡ଼ଃ ମୁକେଶ ମହାଲିଙ୍ଗ ଙ୍କୁ ଭେଟି ଅନୁଗୁଳ ଜିଲ୍ଲାର ବିଭିନ୍ନ ସ୍ୱାସ୍ଥ୍ୟ କେନ୍ଦ୍ରରେ ଆବଶ୍ୟକ ସଂଖ୍ୟକ ଡାକ୍ତର ନିଯୁକ୍ତି କରିବା ପାଇଁ ଦାବୀ ପତ୍ର ପ୍ରଦାନ କରିଛନ୍ତି |ତାଳଚେର ଉପଖଣ୍ଡ ସରକାରୀ ଡାକ୍ତରଖାନା ଉପରେ ଲକ୍ଷାଧିକ ଲୋକ ନିର୍ଭର କରୁଥିବା ବେଳେ ମାତ୍ର 7 ଜଣ ଡାକ୍ତର ଅଛନ୍ତି| ଦୈନିକ 350 ରୋଗୀ ଆସୁଥିବା ବେଳେ ଆବଶ୍ୟକ ଅନୁଯାୟୀ 50 ଡାକ୍ତର ପଦବୀ ଥିବା ବେଳେ ମାତ୍ର 7 ଜଣ ଡାକ୍ତର କିଭଳି ରୋଗୀ ଦେଖିବେ ବୋଲି ସ୍ଵାସ୍ତ୍ୟ ମନ୍ତ୍ରୀ ଙ୍କର ଦୃଷ୍ଟି ଆକର୍ଷଣ କରିଛନ୍ତି |ଗୋଟିଏ ଦୁଇଟି ବିଭାଗ ବ୍ୟତୀତ କୌଣସି ବିଭାଗ ରେ ସ୍ପେସିଆଲିଷ୍ଟ ଡାକ୍ତର ନାହାନ୍ତି, ସାଧାରଣ ଲୋକ ବହୁ ଅସୁବିଧା ର ସମ୍ମୁଖୀନ ହେଉଛନ୍ତି, ଏଭଳି ଅବସ୍ଥା ଜିଲ୍ଲା ର ପ୍ରାୟ ସମସ୍ତ ଡାକ୍ତର ଖାନାର |ଆବଶ୍ୟକ ପାରା ମେଡିକାଲ ଷ୍ଟାଫ, ଯନ୍ତ୍ରପାତି ମଧ୍ୟ ନାହିଁ |ଜିଲ୍ଲା ସଭାପତି ଲିଖିତ ଭାବେ ସ୍ୱାସ୍ଥ୍ୟ ମନ୍ତ୍ରୀ ଙ୍କୁ ଜଣାଇଛନ୍ତି |
