ଅନୁଗୋଳ(ସୁବ୍ରତ ପଟ୍ଟନାୟକ): ସ୍କୁଲ ପରିସର ରେ ଅଘଟଣ । ବିଦ୍ୟୁତ ସଂସ୍ପର୍ଶରେ ଆସି ଜଣେ ନାବାଳକ ର ମୃତ୍ୟୁ ଅଭିଯୋଗ । ସେପଟେ ଏହି ଘଟଣା ପରେ ସ୍କୁଲ ରେ ତାଲା ପକାଇ ତଦନ୍ତ ଆରମ୍ଭ କରିଛି ପୋଲିସ । ଫଳରେ ଆଜି ବିଦ୍ୟାଳୟ ରେ ପାଠ ପଢିବାରୁ ବଞ୍ଚିତ ହୋଇଛନ୍ତି ଛାତ୍ରଛାତ୍ରୀ । ଏଭଳି ଏକ ଦୁଃଖଦ ଘଟଣା ଘଟିଛି ଅନୁଗୁଳ ଜିଲା ବନ୍ତଳା ଥାନା ଅନ୍ତର୍ଗତ ଗଡ଼ତରାସ ରେ । ସମ୍ପୃକ୍ତ ଅଞ୍ଚଳରେ ଥିବା ଗଭରମେଣ୍ଟ ଅପଗ୍ରେଡ ହାଇସ୍କୁଲରେ ରେ ଘଟିଛି ଏହି ଅଘଟଣ । ସୂଚନା ଅନୁଯାୟୀ ସମ୍ପୃକ୍ତ ସ୍କୁଲରେ 5T ଅଧୀନରେ କିଛି କାମ ଚାଲିଥିବା ବେଳେ , ଏକ ନିର୍ଦ୍ଦିଷ୍ଟ ଖୁଣ୍ଟ ରୁ ଆସିଥିବା ବିଦୁତ ସଂସ୍ପର୍ଶରେ ଆସି ସମ୍ପୃକ୍ତ ଗାଁ ର ନାବାଳକ ସୁନୀଲ ନାଏକ ଙ୍କ ଦେହାନ୍ତ ଅଭିଯୋଗ ହୋଇଛି। ଘଟଣାକୁ ନେଇ ସମ୍ପୃକ୍ତ ଅଞ୍ଚଳରେ ଅସନ୍ତୋଷ ଥିବା ବେଳେ ଆଜି ମୃତ ମୃତ ସୁନୀଲ ନାଏକ ଙ୍କ ର ଶବ ବ୍ୟବଚ୍ଛେଦ ଅନୁଗୁଳ ମୁଖ୍ୟ ଚିକିତ୍ସାଳୟରେ କରାଯାଇଛି ।