ଅନୁଗୁଳ: (ସୁବ୍ରତ ପଟ୍ଟନାୟକ) ଓଡ଼ିଶାର ଦ୍ୱିତୀୟ ଚିଲିକା । ହଁ , ହୁଏତ ଏହା ଅନେକ ଙ୍କୁ ଆଶ୍ଚର୍ଯ୍ୟଚକିତ କରିବ । ହେଲେ ଅନୁଗୁଳ ଜିଲ୍ଲା ରେ ରହିଛି ଓଡ଼ିଶାର ଏହି ଦ୍ୱିତୀୟ ଚିଲିକା । ଜିଲା ର ପାଳଲହଡା ବ୍ଲକ କରଡାପାଳ ପଞ୍ଚାୟତ ମହାଳସରୁଆ ଗାଁ ମୁଣ୍ଡରେ ଅବସ୍ଥିତ ଏହି ଦ୍ଵିତୀୟ ଚିଲିକା ।
ଅବିକଳ ଚିଲିକା ସଦୃଶ ଏହି ନୀଳ ଜଳ ରାଶି ପ୍ରକୃତରେ ରେଙ୍ଗାଳୀ ଜଳଭଣ୍ଡାର ର ଅଂଶବିଶେଷ ଅଟେ । ଉଭୟ ନୀଳ ଆକାଶ ଓ ଵିସ୍ତୃର୍ଣ ଜଳରାଶି ସତେ ଯେମିତି ଏହା ମିଳନ ସ୍ଥଳ । ପାଳଲହଡା ସଦର ମହକୁମାଠାରୁ ପ୍ରାୟ ୧୩ ଓ ଅନୁଗୁଳ ସଦର ମହକୁମା ଠାରୁ ପ୍ରାୟ ୮୦ କିଲୋମିଟର ଦୂରରେ ଅବସ୍ଥିତ ଏହି ଦ୍ୱିତୀୟ ଚିଲିକା କୁ ବିଶେଷ ଭାବେ ଶୀତ ଦିନ ରେ ଅଧିକ ପର୍ଯ୍ୟଟକଙ୍କ ସୁଅ ଛୁଟି ଥାଏ । ଉକ୍ତ ସ୍ଥାନର ମନୋରମ ଦୃଶ୍ୟ କୁ ଟିକେ ଉପଭୋଗ ସହ ବଣଭୋଜି କରିବାକୁ ଅନୁଗୁଳ ଜିଲା ସମେତ ପାରିପାର୍ଶ୍ବିକ ଦେବଗଡ଼ , ଢେଙ୍କାନାଳ ଓ କେନ୍ଦୁଝର ଜିଲା ର ଲୋକେ ବେଶ ପସନ୍ଦ କରିଥାନ୍ତି ।
କିନ୍ତୁ ଏଯାବତ ସମୃକ୍ତ ପର୍ଯ୍ୟଟନ ସ୍ଥଳୀ ର ଯେଉଁଭଳି ବିକାଶ ହେବା ତାହା ଅଦ୍ୟାବଧି ହୋଇନଥିବା ଦେଖିବାକୁ ମିଳେ ।
ଶିଳ୍ପ ସମୃଦ୍ଧ ଅନୁଗୁଳ ଜିଲାର ଅନ୍ୟତମ ପର୍ଯ୍ୟଟନ ସ୍ଥଳୀ ଭାବେ ପରିଗଣିତ ଏହି ଦ୍ୱିତୀୟ ଚିଲିକା କୁ ସୁନ୍ଦର , ମନୋରମ କରିବା ପାଇଁ ରାଜନୈତିକ ଓ ପ୍ରଶାସନିକ ଇଚ୍ଛା ଶକ୍ତି ର ଆବଶ୍ୟକତା ରହିଛି ।
ବିଶେସ ଭାବେ ଉକ୍ତ ସ୍ଥାନ କୁ ଆସୁଥିବା ପର୍ଯ୍ୟଟକଙ୍କ ରୋଷେଇବାସ କରିବାର ଆବଶ୍ୟକତା ରହିଛି । ପୂର୍ବରୁ ଅବଶ୍ୟ ବନ ବିଭାଗ ପକ୍ଷରୁ ଦୁଇ ତିନି ଟି ପିଣ୍ଡି କରାଯାଇଥିଲା ଯାହା ଏବେ ଭାଙ୍ଗି ରୁଜି ଗଲାଣି । ଏହାଛଡା , ନୌଚାଳନା ସହ ଖାଲି ପଡିଥିବା ସ୍ଥାନରେ ଉନ୍ନତ ମାନ ର ପାର୍କ ର ଆବଶ୍ୟକତା କୁ ମଧ୍ୟ ଏଡାଇ ଦିଆଯାଇନପାରେ ।
