Angul News: ଅନୁଗୁଳ: ଢେଙ୍କାନାଳ ସାଂସଦ ରୁଦ୍ର ନାରାୟଣ ପାଣି ଆଜି ବୁଧବାର ଲୋକସଭା ରେ ଅନୁଗୁଳ ଯାଜପୁର ରେଳ ଲାଇନ ରେ ଯାତ୍ରୀବାହୀ ଟ୍ରେନ ଚଳାଚଳ ପାଇଁ ଦାବୀ କରିଛନ୍ତି |ବିଗତ 25ବର୍ଷ ପୂର୍ବେ ଅଟଳବିହାରୀ ବାଜପେୟୀ ଙ୍କ ସରକାର ରେ ଅନୁଗୁଳ ସୁକିନ୍ଦା ରେଳ ଲାଇନ ପାଇଁ ତତ୍କାଳୀନ ରେଳ ମନ୍ତ୍ରୀ ରାମ ବିଳାସ ପାଶୱାନ ଶିଳାନ୍ୟାସ କରିଥିଲେ |ପରବର୍ତୀ ସମୟରେ ନରେନ୍ଦ୍ର ମୋଦୀ ଙ୍କ ସରକାର ରେ ଉକ୍ତ ରେଳ ଲାଇନ କାର୍ଯ୍ୟ ଶେଷ ହୋଇ ଦୁଇ ବର୍ଷ ହେବ ଉକ୍ତ ରେଳପଥ ରେ ମାଲବାହି ଟ୍ରେନ ଚଳାଚଳ କରୁଛି |ସେ ସମୟରେ ବହୁ କମ ପଇସାରେ ଜନ ସାଧାରଣ ରେଲୱେ ପାଇଁ ନିଜର ଜମି ଦେଇଥିଲେ ଏବଂ ସ୍ବପ୍ନ ଦେଖିଥିଲେ ଆମ ଅଂଚଳ ଦେଇ ଯାତ୍ରୀବାହୀ ଟ୍ରେନ ଚାଲିବ କିନ୍ତୁ ଏ ଯାଏ ଯାତ୍ରୀବାହୀ ଟ୍ରେନ ଚାଲିନାହଁ ବୋଲି ଶ୍ରୀ ପାଣି ଲୋକସଭା ରେ ଧ୍ୟାନ ଆକର୍ଷଣ କରିଛନ୍ତି |ଅନୁଗୁଳ ଦେଇ ବୁଢ଼ାପଙ୍କ, ପରଜଙ୍ଗ ,କାମାକ୍ଷା ନଗର, ଭୁବନ, ସୁକିନ୍ଦା ଦେଇ ଯାଜପୁର ପର୍ଯ୍ୟନ୍ତ ରେଳପଥ ରେ ଯାତ୍ରୀବାହୀ ଟ୍ରେନ ଏବଂ ପରବର୍ତୀ ସମୟରେ ତାକୁ ପୁରୀ ପର୍ଯ୍ୟନ୍ତ ଏବଂ ହାୱାଡ଼ା ପର୍ଯ୍ୟନ୍ତ ଟ୍ରେନ ଚଳାଚଳ ଓ ଏକ୍ସପ୍ରେସ ଟ୍ରେନ ଉକ୍ତ ଅଂଚଳ ଦେଇ ଚଳାଚଳ କରିବା କୁ ସାଂସଦ ଶ୍ରୀ ପାଣି କେନ୍ଦ୍ର ସରକାର ତଥା ଓଡିଶା ରୁ ଯାଇଥିବା ରେଳ ବିଭାଗ ମନ୍ତ୍ରୀ ଅଶ୍ୱିନୀ ବୈଷ୍ଣବ ଙ୍କୁ ନିବେଦନ କରିଛନ୍ତି |ପ୍ରକାଶ ଥାଉକି ଏହା ପୂର୍ବରୁ ସାଂସଦ ଶ୍ରୀ ପାଣି ଉକ୍ତ ଦାବୀ ନେଇ ବହୁବାର ବିଭିନ୍ନ ମହଲ ରେ ଜଣାଇ ଆସୁଛନ୍ତି |
