ତାଳଚେର (ସୁବ୍ରତ ପଟ୍ଟନାୟକ): ତାଳଚେର ବିଧାନସଭା ନିର୍ବାଚନ ମଣ୍ଡଳୀ ର ୫୧ ଟି ସ୍ଥାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ମନ କୀ ବାତ କାର୍ଯ୍ୟକ୍ରମ ହୋଇ ଯାଇଛି |କଣିହାଁ ବ୍ଲକ ର କମରେଇ ପଂଚାୟତ ର ଦଣ୍ଡସିଂହା ଗ୍ରାମରେ ବିଜେପି ରାଜ୍ୟ ସମ୍ପାଦକ କାଳନ୍ଦୀ ସାମଲ ଉପସ୍ଥିତ କାର୍ଯ୍ୟକର୍ତା ଓ ଶତାଧିକ ଗ୍ରାମବାସୀ ଙ୍କ ସହ ମିଶି ମନ କୀ ବାତ ଶୁଣିଥିଲେ |ତାଳଚେର ବ୍ଲକ ର ସମସ୍ତ ୨୧ ଟି ପଂଚାୟତ, କଣିହାଁ ବ୍ଲକ ର ତାଳଚେର ନିର୍ବାଚନ ମଣ୍ଡଳୀ ଅନ୍ତର୍ଗତ ୮ ଟି ପଂଚାୟତ, ତାଳଚେର ପୌରାଞ୍ଚଳ ର ବିଭିନ୍ନ ୱାର୍ଡ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି |ସମୁଦାୟ ଦୁଇ ହଜାର ରୁ ଉର୍ଦ୍ଧ ଜନ ସାଧାରଣ ଏଥିରେ ସାମିଲ ହୋଇଥିଲେ |ଦିନକୁ ଦିନ ଏହି କାର୍ଯ୍ୟକ୍ରମ ପ୍ରତି ଲୋକଙ୍କ ଉତ୍ସାହ ବଢ଼ିବାରେ ଲାଗିଛି |ବରିଷ୍ଠ ନେତା ଯଯାତି ପଟ୍ଟନାୟକ ତାଳଚେର ପୌରାଞ୍ଚଳ ବାର ନମ୍ବର ୱାର୍ଡରେ, ଜିଲ୍ଲା ମିଡ଼ିଆ ସେଲ ଅଧ୍ୟକ୍ଷ ପର୍ଶୁରାମ ବାରିକ ୱାର୍ଡ ନମ୍ବର ଏକ ରେ, ସମସ୍ତ ମଣ୍ଡଳ ସଭାପତି ମାନେ ନିଜ ନିଜ ମଣ୍ଡଳ ରେ, ଏହି କାର୍ଯ୍ୟକ୍ରମ କରିଥିଲେ |