ଅନୁଗୋଳ: ହାତୀ ଆକ୍ରମଣରେ ବଅଁରପାଳ ବ୍ଲକ୍ ଅନ୍ତର୍ଗତ ଗଡସନ୍ତ୍ରୀ ପଞ୍ଚାୟତ ନଳଚନ୍ଦ୍ରପୁର ଗ୍ରାମରେ ଜଣେ ବୃଦ୍ଧଙ୍କର ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣଙ୍କ ହେଲେ ସେଇ ଗ୍ରାମର ଧନେଶ୍ଵର ଭୁକ୍ତା। ହାତୀ ଆକ୍ରମଣରେ ଗୋଟିଏ ବାଛୁରୀର ମଧ୍ୟ ମୃତ୍ୟୁ ଘଟିଛି। ଗତ କିଛିଦିନ ହେବ ବଅଁରପାଳ, ନୂଆହତା ଅଞ୍ଚଳରେ ହାତୀମାନଙ୍କର ଉତ୍ପାତ ଦେଖିବାକୁ ମିଳିଛି। ଧାନ, ପନିପରିବା ଆଦି ଫସଲ ନଷ୍ଟ କରିବା ସହ ଲୋକମାନଙ୍କୁ ଭୟଭୀତ କରିଚାଲିଛନ୍ତି। ଆଜି ସକାଳେ ଧନେଶ୍ଵର ଶୌଚ ହେବା ପାଇଁ ଯାଉଥିବା ବେଳେ ହାତୀ ଆକ୍ରମଣ ର ଶିକାର ହୋଇଥିଲେ। ଫଳରେ ଘଟଣା ସ୍ଥଳରେ ହିଁ ତାଙ୍କର ପ୍ରାଣବାୟୁ ଉଡିଯାଇଥିଲା।ଅନ୍ୟପକ୍ଷରେ ବନ କର୍ମଚାରୀ ପହଁଚି ଘଟଣାର ତଦନ୍ତ କରୁଥିବା ବେଳେ ମୃତଦେହ ଦେଖି ଜଣେ ବନ କର୍ମଚାରୀଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇଯାଇଥିଲା। ତୁରନ୍ତ ତାଙ୍କୁ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟ ନିଆଯାଇଥିବା ସୂଚନା।