Angul News: ଅନୁଗୋଳ: ଅଦ୍ଯ ତା ୦୧.୦୨.୨୦୨୫ ରିଖ ସ୍ଥାନୀୟ ଅନୁଗୋଳ ଉଚ୍ଚ ବିଦ୍ୟାଳୟ ଠାରେ ସ୍କୁଲ ଛାତ୍ରଛାତ୍ରୀଙ୍କ ଚକ୍ଷୁ ସ୍ୱାସ୍ଥ୍ୟ ନିମନ୍ତେ ସମ୍ପର୍କିତ ସୁରେନ୍ଦ୍ର ସାଏ ଦିବ୍ୟ ଦୃଷ୍ଟି ଯୋଜନା କାର୍ଯ୍ଯକ୍ରମ ଅନ୍ତର୍ଗତ ଗୋଷ୍ଠୀସ୍ତରୀୟ ଚକ୍ଷୁ ପରୀକ୍ଷା ଶିବିର ଶୁଭାରମ୍ଭ ହୋଇଛି ।
କାର୍ଯ୍ୟକ୍ରମର ମୁଖ୍ୟ ଅତିଥି ଭାବରେ ଜିଲ୍ଲା ଶିକ୍ଷା ଅଧିକାରୀ ଶ୍ରୀଯୁକ୍ତ ନିରଞ୍ଜନ ସାହୁ, ସମ୍ମାନିତ ଅତିଥି ଭାବରେ ଜିଲ୍ଲା ସଦରମହକୁମା ମୁଖ୍ୟ ଚିକିତ୍ସାଳୟର ବରିଷ୍ଠ ଚକ୍ଷୁ ବିଶେଷଜ୍ଞ ଡାକ୍ତର ପରମେଶ୍ଵର ଜେନା, ଅନୁଗୋଳ ବ୍ଲକର ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତୀ ଲୋପାମୁଦ୍ରା ପଟ୍ଟନାୟକ, ଜିଲ୍ଲା ଅନ୍ତର୍ନିବେଶୀ ଶିକ୍ଷା ସଂଯୋଜକ ଶ୍ରୀଯୁକ୍ତ ବିଜୟ କୁମାର ସାହୁ, ବନ୍ତଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଚକ୍ଷୁ ଅଧିକାରୀ ଶ୍ରୀଯୁକ୍ତ ରବିନାରାୟଣ ବେହେରା, ପାଳଲହଡା ଉପଖଣ୍ଡ ଚିକିତ୍ସାଳୟର ଚକ୍ଷୁ ଅଧିକାରୀ ଶ୍ରୀଯୁକ୍ତ ପୂର୍ଣ୍ଣଚନ୍ଦ୍ର ବ୍ରହ୍ମା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ।
ଉକ୍ତ କାର୍ଯ୍ୟକ୍ରମରେ ଅନୁଗୋଳ ସହରସ୍ଥିତ ବିଦ୍ୟାଳୟ ଗୁଡିକରୁ ସର୍ବମୋଟ ୧୫୨ ଜଣ ଛାତ୍ରଛାତ୍ରୀଙ୍କୁ ପରୀକ୍ଷା ନିରୀକ୍ଷା କାରାଯାଇ ସେମାନଙ୍କ ମଧ୍ୟରୁ ୩୬ ଜଣଙ୍କ ନିମନ୍ତେ ଚଷମା, ୧୪ ଜଣଙ୍କୁ ଚିକିତ୍ସା ନିମନ୍ତେ ସୁପାରିସ କରାଯାଇଛି । କାର୍ଯ୍ୟକ୍ରମର ସଫଳ ରୂପାଯନ ନିମନ୍ତେ ଅନୁଗୋଳ ବ୍ଲକର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ପ୍ରଦ୍ଯୁମ୍ନ କୁମାର ମିଶ୍ର, ଗୋଷ୍ଠୀ ସାଧନ କର୍ମୀ ଶ୍ରୀଯୁକ୍ତ ରଘୁନାଥ ବାରିକ ଓ ଶ୍ରୀ ପତିତପାବନ ବାଡିଆ ତଥା ସମସ୍ତ ଅନ୍ତର୍ନିବେଶୀ ଶିକ୍ଷା ସ୍ଵେଚ୍ଛାସେବୀମାନେ ଉପସ୍ଥିତ ରହି ଛାତ୍ରଛାତ୍ରୀମାନଙ୍କ ପଞ୍ଜୀକରଣ ଓ ଶୃଙ୍ଖଳିତ ପରୀକ୍ଷା ନିରୀକ୍ଷା ନିମନ୍ତେ ସହଯୋଗ କରିଥିଲେ ।
ପ୍ରାପ୍ତ ସୂଚନା ଅନୁଯାୟୀ ଏହି ଭଳି ୬0 ଟି ଅନୁରୂପ ଚକ୍ଷୁ ପରୀକ୍ଷା କାର୍ଯ୍ୟକ୍ରମ ଜିଲ୍ଲାରେ ଆୟୋଜନ କରିବା ପାଇଁ ସ୍ଥିର କରାଯାଇଛି । ପ୍ରକାଶଯୋଗ୍ୟ ଆଠମଲ୍ଲିକ ବ୍ଲକରେ ମଧ୍ୟ ଆଜିଠାରୁ ଆରମ୍ଭ ହୋଇ ତା ୧୦.୦୨.୨୦୨୫ ରିଖ ପର୍ଯ୍ୟନ୍ତ ୭ଟି ସ୍ଥାନରେ, କିଶୋରନଗର ବ୍ଲକ ପାଇଁ ତା ୧୪.୦୨.୨୦୨୫ ରୁ ତା ୨୦.୦୨.୨୦୨୫ ରିଖ ପର୍ଯ୍ୟନ୍ତ ୬ଟି ସ୍ଥାନରେ, ବନରପାଳ ବ୍ଲକ ପାଇଁ ତା ୧୪.୦୨.୨୦୨୫ ରୁ ତା ୧୧.୦୩.୨୦୨୫ ରିଖ ମଧ୍ୟରେ ୯ ଟି ସ୍ଥାନରେ, ପାଳଲହଡା ବ୍ଲକ ପାଇଁ ତା ୧୪.୦୨.୨୦୨୫ ରୁ ତା ୧୧.୦୩.୨୦୨୫ ରିଖ ମଧ୍ୟରେ ୮ଟି ସ୍ଥାନରେ, କଣିହା ବ୍ଲକ ପାଇଁ ତା ୧୭.୦୩.୨୦୨୫ ରୁ ତା ୨୫.୦୩.୨୦୨୫ ରିଖ ମଧ୍ୟରେ ୬ ଟି ସ୍ଥାନରେ, ତାଳଚେର ବ୍ଲକ ପାଇଁ ତା ୧୭.୦୩.୨୦୨୫ ରୁ ତା ୨୫.୦୩.୨୦୨୫ ରିଖ ମଧ୍ୟରେ ୬ ଟି ସ୍ଥାନରେ, ଛେଣ୍ଡିପଦା ବ୍ଲକ ପାଇଁ ତା ୧୨.୦୩.୨୦୨୫ ରୁ ତା ୨୮.୦୩.୨୦୨୫ ରିଖ ମଧ୍ୟରେ ୯ ଟି ସ୍ଥାନରେ, ଅନୁଷ୍ଠିତ ହେବବୋଲି ଜଣାପଡିଛି ।
ଏହି କାର୍ଯ୍ୟକ୍ରମ ଗୁଡିକରେ ଜିଲ୍ଲାର ଚକ୍ଷୁ ସମସ୍ଯା ଥିବା ସମସ୍ତ ଭିନ୍ନକ୍ଷମଛାତ୍ରଛାତ୍ରୀ ଯୋଗଦେଇ ଉପକୃତ ହେବାପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ଏବଂ ଜିଲ୍ଳା ଶିକ୍ଷା କାର୍ଯ୍ୟ।ଳୟ-ସମଗ୍ର ଶିକ୍ଷା, ଅନୁଗୋଳ ତରଫରୁ ଅନୁରୋଧ କରାଯାଇଛି।