ଅନୁଗୋଳ(ସୁବ୍ରତ ପଟ୍ଟନାୟକ): ଅନୁଗୋଳ ଜିଲ୍ଲା ପାଳଲହଡା ଥାନା ୪୯ ନମ୍ବର ଜୀତୀୟ ରାଜପଥ ବାଙ୍କଦର ନିକଟରୁ ଦୁଇଟି ଗୋରୁ ବୋଝେଇ ଟ୍ରକ କୁ ଜବତ କରାଯାଇଛି। ଜବତ କରିଛନ୍ତି ୟୁଥ ଫର ପାଳଲହଡା ଯୁବକମାନେ। ଆଜି ପାଖାପାଖି ୩ଟା ସମୟରେ ଦୁଇଟି ଟ୍ରକ ରାସ୍ତା କଡରେ ଡାଲାକୁ ଡାଲା ଯୋଡି ଗୋରୁମାନଙ୍କୁ ଅଦଳ ବଦଳ କରୁଥିବା ବେଳେ ୟୁଥ ଫର ପାଳଲହଡାର ଯୁବକ ମାନେ ଦେଖିଥିଲେ। ଘଟଣାସ୍ଥଳରୁ ଚାଲାଣ କରୁଥିବା ୩ଜଣ ଯୁବକ ଫେରାର ହୋଇଯାଇଥିଲେ ଓ ୩ ଯୁବକଙ୍କୁ ଘଟଣା ସ୍ଥଳରୁ କାବୁ କରି ପୋଲିସ କୁ ଡକେଇଥିଲେ। ଅନ୍ୟପଟେ ଦୁଇଟି ଗାଡିରେ ପାଖାପାଖି ୬୦ଟି ଗୋରୁ ରହିଥିବା ବେଳେ ସେଥିରୁ ଦୁଇଟି ଗୋରୁଙ୍କ ମୃତ୍ୟୁ ଘଟିଛି। ସମସ୍ତ ଗୋରୁଙ୍କୁ ଜବତ କରି ପୋଲିସକୁ ଜିମା ଦିଆଯାଇଛି। ଅନ୍ୟପଟେ ଏହି ରାସ୍ତା ଦେଇ ନୀତିଦିନ ଏଭଳି ଗୋ ଚାଲାଣ ହେଉଥିବା ୟୁଥ ଫର ପାଳଲହଡା ଅଭିଯୋଗ କରିଛି।