Angul News: ତାଳଚେର:-ଶିକ୍ଷାବିକାଶ ସମିତି ଓଡିଶା ମଧ୍ୟ ସଂଭାଗ ର ସଂଭାଗ ସ୍ତରୀୟ ଖେଳକୁଦ ସମାରୋହର ପୁରସ୍କାର ବିତରଣ କାର୍ଯ୍ୟକ୍ରମ ସରସ୍ୱତୀ ଶିଶୁବିଦ୍ୟା ମନ୍ଦିର ଦେଉଳବେଡା କୋଲିୟରୀ ଆନୁକୂଲ୍ୟରେ ଗ୍ରୀନ୍ଗ୍ରାସ୍ ଷ୍ଟାଡିୟମ୍ ଠାରେ ଉଦ୍ଯାପିତ ହୋଇଯାଇଛି । ଉଦ୍ଯାପନୀ ଦିବସରେ ମୁଖ୍ୟଅତିଥି ଭାବେ ବିକାଶ ଫାଉଣ୍ଡେସନ୍ ଟ୍ରଷ୍ଟର ଚେୟାରମ୍ୟାନ୍ ମୃଦୁଳା ଠାକୁର ପ୍ରଧାନ ଯୋଗଦେଇ ଶିଶୁ ମାନଙ୍କୁ ପୁରସ୍କୃତ କରିଥିଲେ । ମୁଖ୍ୟବକ୍ତା ଭାବେ ସଂଭାଗ ସଭାପତି ପରେଶ ଚନ୍ଦ୍ର ପଟ୍ଟନାୟକ ଯୋଗଦେଇ ଶିଶୁ ମାନଙ୍କୁ ନୂତନ ଶିକ୍ଷାନୀତି ୨୦୨୦ ଆଧାରରେ ଶିକ୍ଷା ଗ୍ରହଣ ପାଇଁ ଆହ୍ୱାନ କରିଥିଲେ । ଉକ୍ତ କାର୍ଯ୍ୟକ୍ରମରେ ଦେଉଳବେଡା କୋଲିୟରୀ ଶିଶୁ ବିଦ୍ୟାମନ୍ଦିରର ସଭାପତି ହେମନ୍ତ କୁମାର ଶତପଥି ସଭାପତିତ୍ୱ କରିଥିବାବେଳେ ବିଦ୍ୟାଳୟର ପ୍ରଧାନଆଚାର୍ଯ୍ୟ ବାବୁଲି ସାମଲ ଅତିଥି ପରିଚୟ ପ୍ରଦାନ କରିଥିଲେ । ଏହି ସଂଭାଗ ଖେଳକୁଦ ସମାରୋହରେ ୧୮୬ ଜଣ କ୍ରୀଡାବିତ୍ ଛାତ୍ରଛାତ୍ରୀ, ୧୮ ଜଣ କ୍ରୀଡା ପରିଚାଳକ ଓ ୪୦ ଜଣ ଗୁରୁଜୀ ଗୁରୁମା ସମସ୍ତ ବ୍ୟବସ୍ଥା ସମ୍ଭାଳିଥିଲେ । ଗତକାଲି ଠାରୁ ଆରମ୍ଭ ହୋଇଥିବା ଏହି ଖେଳକୁଦ ସମାରୋହ ଆଜି ଶେଷ ହୋଇଛି । ଏହି ଅବସରରେ ସମସ୍ତ ସଂଭାଗରୁ ଆସିଥିବା ସଂକୁଳର ଖେଳାଳୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଏହି ସମାରୋହରେ ମଧ୍ୟ ସଂଭାଗ ସଂଯୋଜକ ମଧୁସୂଦନ ବାରିକ ଧନ୍ୟବାଦ ପ୍ରଦାନ କରିଥିଲେ ।