Angul News: ଅନୁଗୋଳ: ଭାରତବର୍ଷର ସଂଗ୍ରାମୀ ଛାତ୍ର ସଂଗଠନ ଅଲ ଇଣ୍ଡିଆ ଡି.ଏସ.ଓ .ର ୭୧ତମ ପ୍ରତିଷ୍ଠା ଦିବସ ଶିକ୍ଷକପଡ଼ାସ୍ଥିତ ଅଫିସରେ ପାଳିତ ହେଇଯାଇଛି। ପ୍ରାରମ୍ଭରେ ସଂଗଠନର ରକ୍ତ ପତାକାକୁ ଜିଲ୍ଲା ସମ୍ପାଦକ ନାରାୟଣ ନାୟକ ଉତ୍ତୋଳନ କରିଥିଲେ। ବିଗତ ଦିନରେ ଛାତ୍ର ଆନ୍ଦୋଳନ ଗୁଡ଼ିକରେ ଶହୀଦ୍ ହୋଇଥିବା ଛାତ୍ର ଛାତ୍ରୀ ଙ୍କ ଉଦ୍ଦେଶ୍ୟରେ ଶହୀଦ୍ ବେଦୀରେ ପୁଷ୍ପଗୁଚ୍ଛ ପ୍ରଦାନ କରାଯାଇଥିଲା।ଜିଲ୍ଲା ଉପସଭା ନେତ୍ରୀ ସରୋଜିନୀ ବେହେରା ଙ୍କ ପରିଚାଳନାରେ ଅନୁଷ୍ଠିତ ସଭାରେ ସଂଗଠନର ପୂର୍ବତନ ସଭାପତି ନବକିଶୋର ପ୍ରଧାନ, ତିର୍ଥବାସି ଭୋଇ ଙ୍କ ସମେତ ଛାତ୍ର ସଂଗଠକ ନିରୁପମା ନାୟକ, ବିଶ୍ବରଂଜନ ପ୍ରକାଶ, ଅନ୍ନପୂର୍ଣ୍ଣା ନାଏକ ପ୍ରମୁଖ ବକ୍ତବ୍ୟ ମାଧ୍ୟମରେ ଛାତ୍ର ଆନ୍ଦୋଳନର ଗୌରବଜ୍ଵଳ ଭୂମିକା ସମ୍ପର୍କରେ ଆଲୋକପାତ କରିଥିଲେ। ବର୍ତ୍ତମାନ ସ୍ଥିତିରେ ବିଭିନ୍ନ ଶିକ୍ଷାଗତ ଦାବିରେ ଛାତ୍ରଛାତ୍ରୀ ମାନେ ଉଚ୍ଚ ନୀତି ନୈତିକତା ଓ ଆଦର୍ଶ ଭିତ୍ତିରେ ସଂଗଠିତ ହେବା ସହ ଡି.ଏସ.ଓ ଛାତ୍ର ସଂଗଠନକୁ ମଜଭୂତ କରି ଗଢିତୋଳିବାକୁ ଆହ୍ବାନ କରାଯାଇଥିଲା ।
