Angul News: ତାଳଚେର (ସୁବ୍ରତ ପଟ୍ଟନାୟକ): ବିଜେଡି ପ୍ରତିଷ୍ଠା ଦିବସରେ ତାଳଚେର ର ସମସ୍ତ ମଣ୍ଡଳ ରେ ମହାପୁରୁଷ ଙ୍କର ପ୍ରତିମୂର୍ତ୍ତି ନିକଟରେ ବିଜେପି ସତ୍ୟାଗ୍ରହ କରିଛି | ତାଳଚେର ପୌର ମଣ୍ଡଳ ପକ୍ଷରୁ ଶର୍ମାଛକ ଠାରେ ନେତାଜୀ ସୁବାସ ଚନ୍ଦ୍ର ବୋଷ ଙ୍କର ପ୍ରତିମୂର୍ତ୍ତି ରେ ମାଲ୍ୟାର୍ପଣ କରି ବିଜେପି ସତ୍ୟାଗ୍ରହ କରିଛି | ବିଜେପି ରାଜ୍ୟ ସମ୍ପାଦକ କାଳନ୍ଦି ସାମଲ ଯୋଗଦେଇ 23 ବର୍ଷର ବିଜୁ ଜନତା ଦଳ ର ଶାସନ ରେ ରାଜନୀତି ରେ ଅପରାଧୀ କରଣ ସୃଷ୍ଟି କରିବା, ଏବଂ ସବୁ କ୍ଷେତ୍ରରେ ସବୁ ଅପରାଧ ରେ ବିଜେଡି ନେତାମାନେ ସମ୍ପୃକ୍ତ ଥିବାର ପ୍ରମାଣ ମିଳୁଥିବା,ବିଜେଡି ର ବଡ଼ ବଡ଼ ନେତା ମନ୍ତ୍ରୀ, ବିଧାୟକ ମାନେ ଗୋଟିଏ ପରେ ଗୋଟିଏ ଅପରାଧ ଘଟାଇ ଚାଲିଛନ୍ତି ଏବଂ ରାଜ୍ୟର ପୋଲିସ ପ୍ରଶାସନ ସେମାନଙ୍କୁ ଖସାଇବା ରେ ସିଦ୍ଧହସ୍ତ ସାଜିଛି ବୋଲି ପ୍ରକାଶ କରିଥିଲେ |
ବିଭିନ୍ନ ବିଚାରଧିନ ମାମଲା ରେ ବିଜେଡି ନେତା ମନ୍ତୀ ଙ୍କୁ ବଞ୍ଚାଇବା ପାଇଁ ସାକ୍ଷୀ,ଏବଂ ଅଭିଯୁକ୍ତ ମାନଙ୍କୁ ହତ୍ୟା କରି ଆତ୍ମହତ୍ୟା ର ରୂପ ଦିଆଯାଉଛି ବୋଲି ସେମାନେ କହିଥିଲେ |ମାହାଙ୍ଗା ଡବଲ ମର୍ଡର କେଶ ରେ ପୂର୍ବତନ ମନ୍ତ୍ରୀ ପ୍ରତାପ ଜେନା 13 ନମ୍ବର ମୁଦାଲା ଥିବା ବେଳେ ତାଙ୍କୁ ବଞ୍ଚାଇବା ପାଇଁ ପ୍ରଫୁଲ୍ଲ ବିଶ୍ୱାଳ ଙ୍କୁ ହତ୍ୟା, ମନ୍ତ୍ରୀ ସମୀର ଦାସ ଙ୍କୁ ବଞ୍ଚାଇବା ପାଇଁ ଧର୍ମେନ୍ଦ୍ର ସାହୁ ଙ୍କୁ ହତ୍ୟା କରି ଆତ୍ମହତ୍ୟା ର ରୂପ ଦେବା, ମମିତା ମେହେର କେଶ ରେ ସମ୍ପୃକ୍ତି ଥିବା ପ୍ରାକ୍ତନ ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଙ୍କୁ ବଞ୍ଚାଇବା ପାଇଁ ଗୋବିନ୍ଦ ସାହୁ ର ଜେଲ ହାଜତ ରେ ରହସ୍ୟମୟ ଆତ୍ମହତ୍ୟା, ପରି କେଶ ରେ ପ୍ରାକ୍ତନ ମନ୍ତ୍ରୀ ଅରୁଣ ସାହୁ କୁ ବଞ୍ଚାଇବା ପାଇଁ ପୋଲିସ ର ଜାମୁକୋଳି ଗପ ରଚନା ଆଦି ବିଜେଡି ସମଗ୍ର ରାଜ୍ୟରେ ଅପରାଧ ପୃଷ୍ଟ ଭୂମି ତିଆରି କରିଛି ବୋଲି ଶ୍ରୀ ସାମଲ ପ୍ରକାଶ କରିଥିଲେ |
ସବୁ ଦୁର୍ନୀତି, ଭ୍ରଷ୍ଟାଚାର, ବ୍ୟଭିଚାର,ଅପରାଧ,ମହିଳା ଙ୍କ ଉପରେ ଅତ୍ୟାଚାର ରେ ଦେଶରେ ପ୍ରଥମ ଦିନକୁ 6ଟି ଦୁଷ୍କର୍ମ , ପାଞ୍ଚ ବର୍ଷରେ 27000ଶିଶୁ ନିଖୋଜ ଆଦି ଘଟଣା ମାନ ଘଟି ଚାଲିଛି |ଅର୍ଚନା ନାଗ କେଶ ରେ ଏବେ ବିଜେଡି ର ମାଳ ମାଳ ନେତା ମନ୍ତୀ, ବିଧାୟକ ସମ୍ପୃକ୍ତି ଥିବାର ପ୍ରମାଣ ମିଳୁଛି |ରାଜ୍ୟର ସବୁ ଥାନା ଏବେ ବିଜେଡି କାର୍ଯ୍ୟାଳୟ ପାଲଟିଛି, ଯେଉଁଆଡେ ଗଲେ ନ୍ୟାୟ ମିଳୁ ନାହିଁ ଏଭଳି ଏକ ଅରାଜକତା ସାରା ରାଜ୍ୟରେ ଦେଖା ଦେଇଛି ବୋଲି ଶ୍ରୀ ସାମଲ କହିଥିଲେ|ମଣ୍ଡଳ ସଭାପତି ସତ୍ୟବନ୍ତ ସାହୁ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସତ୍ୟାଗ୍ରହ ରେ ବରିଷ୍ଠ ନେତା ଯଯାତି ପଟ୍ଟନାୟକ, ଜିଲ୍ଲା ମିଡ଼ିଆ ସେଲ ଅଧ୍ୟକ୍ଷ ପର୍ଶୁରାମ ବାରିକ, ମଣ୍ଡଳ ପ୍ରଭାରୀ ପୁଲିନ ବିହାରୀ ନାୟକ, କାଳନ୍ଦି ପ୍ରଧାନ,ସାଧାରଣ ସମ୍ପାଦକ ନିରୋଳ ଦାସ, ଜ୍ଞାନେନ୍ଦ୍ରୀୟ ସେଠି, କାଉନସିଲର ସ୍ୱାଧୀନ ଥମ୍ବ, ସନ୍ତୋଷ ବେହେରା ଓ ଅନିତା ବିଶ୍ୱାଳ, ମୃଣାଳିନୀ ପଟ୍ଟନାୟକ, ମିଲ୍ଲୀ ପ୍ରଧାନ, ଅମୁଲ୍ୟ ପ୍ରଧାନ, ସୁଫଳା ପୃଷ୍ଟି, ବାଲ୍ମୀକି ପ୍ରସାଦ କେଶରୀ, ଅକ୍ଷୟ ବିଶ୍ୱାଳ, ମିନା ଖଟୁଆ, ଶଙ୍କର ବେହେରାଙ୍କ ସମେତ ଶତାଧିକ କାର୍ଯ୍ୟକର୍ତା ଯୋଗ ଦେଇଥିଲେ |
ସେହିଭଳି ଭାବେ ସାର ଶକ୍ତି ମଣ୍ଡଳ ରେ ବଲଣ୍ଡା ଠାରେ ଅନୁଷ୍ଠିତ ସତ୍ୟାଗ୍ରହ ରେ ଅଜୟ ଗୋଛାୟତ, ଜସ୍ମିନ ପ୍ରଧାନ, ସନତ ସାହୁ, ଅର୍ଜୁନ କିସ୍କୁ, ନରେନ୍ଦ୍ର ସାହୁ, ଅଶୋକ ସିଂହ ଙ୍କ ସମେତ ବହୁ କାର୍ଯ୍ୟକର୍ତା ସାମିଲ ହୋଇଥିଲେ |ହିଙ୍ଗୁଳା ମଣ୍ଡଳ ରେ ବରିଷ୍ଠ ନେତା ରାଜେନ୍ଦ୍ର ସିଂହ ଗୋପାଳ ସାହୁ ପ୍ରଶାନ୍ତ ସାହୁ ଙ୍କ ନେତୃତ୍ୱରେ ସତ୍ୟାଗ୍ରହ ଅନୁଷ୍ଠିତ ହୋଇଥିଲା |ବ୍ରାହ୍ମଣୀ ମଣ୍ଡଳ ରେ ନରେଶ ବେହେରା, ମନୋଜ ପ୍ରଧାନ, ଚୈତନ୍ୟ ପ୍ରଧାନ, ପ୍ରଶାନ୍ତ ନନ୍ଦ, ଆର ପ୍ରିୟା, ସ୍ଵାଗତିକା ମହାନ୍ତି, ସୁରଜ ସାହୁ, ରେଳ ମଣ୍ଡଳ ରେ ବରୁଣ ସାହୁ, ବୃନ୍ଦାବନ ବେହେରା, ସହଦେଵ ସାହୁ ବିଭୁତି ସାହୁ, ସନ୍ତୋଷ ମହାନ୍ତି, ଚିତ୍ତରଞ୍ଜନ ରଥ ଙ୍କ ନେତୃତ୍ୱ ରେ ଶତାଧିକ କାର୍ଯ୍ୟକର୍ତା ସତ୍ୟାଗ୍ରହ ରେ ସାମିଲ ହୋଇଥିଲେ |