Angul News (ସୁବ୍ରତ ପଟ୍ଟନାୟକ) : ଅନୁଗୁଳ ଏସ ପି ଅଫିସ ସମ୍ମୁଖରେ ଶନିବାର ବିଜେପି ପକ୍ଷରୁ ଧାରଣା ଓ ବିକ୍ଷୋଭ ଓ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି |ଅନୁଗୁଳ ଜିଲ୍ଲା ବିଜେପି ସଭାପତି ଡିଲେଶ୍ୱର ପ୍ରଧାନ ଙ୍କ ନେତୃତ୍ୱ ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ପ୍ରାକ୍ତନ ସାଂସଦ ରୁଦ୍ର ନାରାୟଣ ପାଣି ଯୋଗଦେଇ ରାଜ୍ୟରେ ଏକ ପ୍ରକାର ଅରାଜକତା ଦେଖାଦେଇଛି, ଏଠାରେ ତାମିଲ ଶାସନ ଚାଲିଛି, ଏ ଶାସନ ରେ ଯେଉଁଠି ଦିନ ଦ୍ୱିପ୍ରହରେ ରାଜରାସ୍ତା ଉପରେ ରାଜ୍ୟର ଜଣେ କ୍ୟାବିନେଟ ମନ୍ତୀ ନବ ଦାସ ଙ୍କୁ ପୋଲିସ ହତ୍ୟା କଲା ସେଠାରେ ମୁଖ୍ୟମନ୍ତ୍ରୀ ସୁରକ୍ଷିତ କି ବୋଲି ପ୍ରଶ୍ନ କରିଛନ୍ତି |କେତେବେଳେ କେଉଁ ମୃହୁତ ରେ କଣ ହେବ କହିହେବ ନାହିଁ ବୋଲି ଶ୍ରୀ ପାଣି ଆଶଙ୍କା ପ୍ରକାଶ କରିଛନ୍ତି |ନବଦାସ ହତ୍ୟା କୁ ଦୀର୍ଘ ଏକମାସ ବିତି ଯାଇଥିଲେ ମଧ୍ୟ ରାଜ୍ୟ ସରକାର ତଦନ୍ତ କୁ ବାଟବଣା କରୁଛନ୍ତି,ଯେଉଁ ପୋଲିସ ହତ୍ୟା କରିଛି ସେ କିଭଳି ତଦନ୍ତ କରିବ ବୋଲି ସେ ପ୍ରଶ୍ନ କରିଥିଲେ ଏବଂ ସିବିଆଇ କୁ ତଦନ୍ତ ଦାୟିତ୍ୱ ଦେବାପାଇଁ ଦାବୀ କରିଥିଲେ |ବିଜେପି ରାଜ୍ୟ ସମ୍ପାଦକ କାଳନ୍ଦି ସାମଲ ଯୋଗଦେଇ ଅପାରଗ ମୁଖ୍ୟମନ୍ତ୍ରୀ ଙ୍କ ଯୋଗୁଁ ଅରାଜକତା ଦେଖାଦେଇଛି,ଯୁବମୋର୍ଚ୍ଚା କାର୍ଯ୍ୟକର୍ତା ଙ୍କ ଉପରେ ମରଣାତ୍ମକ ଆକ୍ରମଣ ସହ ଅନ୍ୟାୟଚିତ ଭାବେ ଗିରଫ କରାଯାଇଛି, ବିଭିନ୍ନ ଥାନାରେ ବିଜେପି ପକ୍ଷରୁ ଏଫ ଆଇ ଆର ଦିଆଯିବା ପରେ ମଧ୍ୟ ଏଫ ଆଇ ଆର କପି ପୋଲିସ ଦେଉନି ଏଥିପାଇଁ ବିଜେପି ଆଜି ଏସ ପି ଅଫିସ ରେ ବିକ୍ଷୋଭ କରୁଛି ବୋଲି କହିଥିଲେ |ରାଜ୍ୟରେ କିଛି ବରିଷ୍ଠ ପୋଲିସ ଅଧିକାରୀ ପୋଲିସ କୁ ବିଜୁ ଜନତା ଦଳର କର୍ମୀ ସଜାଇଛନ୍ତି ବୋଲି ଶ୍ରୀ ସାମଲ ଅଭିଯୋଗ କରିଥିଲେ |ଅନ୍ୟ ମାନଙ୍କ ମଧ୍ୟରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଶୋକ ମହାନ୍ତି, ଅଗସ୍ତି ବେହେରା, ବରିଷ୍ଠ ନେତା ଦିଲ୍ଲୀପ ପ୍ରଧାନ, ଯଯାତି ପଟ୍ଟନାୟକ ପ୍ରମୁଖ ରାଜ୍ୟରେ ଯୁବମୋର୍ଚ୍ଚା କାର୍ଯ୍ୟକର୍ତା ଙ୍କ ଉପରେ ଅନ୍ୟାୟଚିତ ଗିରଫଦାରି ରାଜ୍ୟ ସରକାର ଙ୍କ ଠାରୁ ସ୍ପଷ୍ଟୀକରଣ ମାଗିଥିଲେ |ଜିଲ୍ଲା ସାଧାରଣ ସମ୍ପାଦକ ସୁଦିପ ଗଡ଼ନାୟକ ଙ୍କ ସଂଯୋଜନା ରେ ଅନୁଷ୍ଠିତ ପ୍ରତିବାଦ ସଭାରେ ପ୍ରକାଶ ମହାରଣା, ବିଜୟ ମାଝି,ବସନ୍ତ ମଞ୍ଜରୀ ପ୍ରଧାନ,, ବୃନ୍ଦାବନ ବେହେରା, ଅର୍ଜୁନ କିସ୍କୁ, ବିଶ୍ୱଜିତ ମିଶ୍ର, ସୁଜାତା ଦାସ, ପ୍ରଶାନ୍ତ ନନ୍ଦ, ପ୍ରଭାତ ପ୍ରଧାନ, ପର୍ଶୁରାମ ବାରିକ,କାଳ
