ଅନୁଗୋଳ: ଦନ୍ତାର ଅସ୍ୱାଭାବିକ ଭାବେ ମୃତ୍ୟୁ । ଅନୁଗୁଳ ବନଖଣ୍ଡ କରତପଟା ସେକ୍ସନ ର ଡଙ୍ଗାପାଳ ରେ ଏକ ଦନ୍ତାହାତୀ ର ମୃତ ଦେହ ଠାବ ହୋଇଛି । ମୃତ ହାତୀ ଟି ର ବୟସ ପାଖାପାଖି ୧୨ ବର୍ଷ ହେବ ବୋଲି ଅନୁମାନ କରାଯାଉଛି । ଦୀର୍ଘ ଦିନ ରୁ ସମ୍ପୃକ୍ତ ଅଞ୍ଚଳରେ ଘୁରି ବୁଲୁଥିବା ଏହି ଦନ୍ତା ର ମୃତ ଦେହ କୁ ଆଜି ସକାଳେ ସମ୍ପୃକ୍ତ ଗ୍ରାମବାସୀ ମାନେ ଦେଖିବା ପରେ ବନ ଅଧିକାରୀ ଙ୍କୁ ସୂଚନା ଦେଇଛନ୍ତି । ୧୧ କେଭି ବିଦ୍ୟୁତ ତାର କିମ୍ବା ଶିକାର ପାଇଁ ବିଛା ଯାଇଥିବା ତାର ସଂସ୍ପର୍ଶରେ ଆସି ରେ ଦନ୍ତା ର ମୃତ୍ୟୁ ହୋଇଥିବା ଅନୁମାନ କରାଯାଉଛି । ବନ ବିଭାଗ ର ତଦନ୍ତ ତଥା ଶବବ୍ୟବଚ୍ଛେଦ ପରେ ମୃତ୍ୟ ର କାରଣ ସ୍ପଷ୍ଟ ହୋଇ ପାରିବ ବୋଲି କୁହାଯାଉଛି ।