Angul News: ବୁଧବାର ସ୍ଥାନୀୟ ଅନୁଗୋଳ ପୌରପରିଷଦ ର ଟାଉନ ହଲ ଠାରେ ଓଡ଼ିଶାର ବରପୁତ୍ର,ପ୍ରାବଦ ପୁରୁଷ,ମହାନଜନନାୟକ ସ୍ବର୍ଗତ ବିଜୟାନନ୍ଦ ପଟ୍ଟନାୟକ ତଥା ବିଜୁ ବାବୁଙ୍କର ୧୦୯ ତମ ଜନ୍ମ ଜୟନ୍ତୀ ମହାସମାରୋହରେ ପାଳନ ହୋଇଯାଇଛି।ସକାଳେ ବିଜୁ ବାବୁଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ ସହିତ ବିଜୁ ଜନତା ଦଳର ଜିଲ୍ଲା ସଭାପତି ଶ୍ରୀଯୁକ୍ତ ମହେନ୍ଦ୍ର କୁମାର ବସ୍ତିଆଙ୍କ ସଭାପତିତ୍ବରେ ଏକ ସଭା ଆୟୋଜନ କରାଯାଇ ସୁରୁଖୁରୁରେ ସମ୍ପୂର୍ଣ ହୋଇଛି।ଉକ୍ତ ସଭାରେ ଓଡ଼ିଶା ବିଧାସଭାର ପୂର୍ବତନ ଉପବାଚସ୍ପତି ତଥା ପୂର୍ବତନ ମନ୍ତ୍ରୀ ତଥା ଅନୁଗୋଳର ଚାରିଥର ର ପୂର୍ବତନ ବିଧାୟକ ଶ୍ରୀଯୁକ୍ତ ରଜନୀକାନ୍ତ ସିଂହ ମୁଖ୍ୟଅତିଥି ଭାବେ ଯୋଗଦେଇ ଉପସ୍ଥିତ କର୍ମକର୍ତ୍ତା ଓ ବିଜୁ ପ୍ରେମୀ ମାନଙ୍କୁ ବିଜୁ ବାବୁଙ୍କ ନୀତି,ଆଦର୍ଶ,ତାଙ୍କର ଓଡ଼ିଶା ପ୍ରତି ଥିବା ଅବଦାନ ସମ୍ବନ୍ଧରେ ଅବଗତ କରାଇବା ସହିତ ତାଙ୍କରି ଆଦର୍ଶରେ ଅନୁପ୍ରାଣିତ ହୋଇ ବିଜୁ ଜନତା ଦଳ ପାଇଁ ତଥା ସାଧାରଣ ଜନତା ଙ୍କ ସେବାରେ ମାନ୍ୟବର ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ବିରୋଧୀ ଦଳର ନେତା ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ପରି ନିଜକୁ ନିୟୋଜିତ କରି ସୁଖଦୁଃଖରେ ସାମିଲ ହୋଇ କାର୍ଯ୍ୟକରିବା ପାଇଁ ଉପଦେଶ ଦେଇଥିଲେ।ଏହି ସଭାରେ ଅନୁଗୋଳ ବ୍ଲକ ଅଧ୍ୟକ୍ଷା ଶ୍ରୀମତୀ ରାଜଶ୍ରୀ ପ୍ରଧାନ, ବଅଁରପାଳ ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ ବିଜୟ ନାଥ,ଅନୁଗୋଳ ନଗର ମହିଳା ସଭାନେତ୍ରୀ ମାଳିନୀ ସର, ଯୁବ ନଗର ସଭାପତି,ଜିଲ୍ଲା ଛାତ୍ର ସଭାପତି,ସମସ୍ତ ଜିଲ୍ଲାପରିଷଦ ମେମ୍ବର,ଅନୁଗୋଳ ପୌରାଞ୍ଚଳ ବିଜୁ ଜନତା ଦଳର ସମସ୍ତ କାଉନସିଲର ଙ୍କ ସମେତ ବହୁ ସଂଖ୍ୟାରେ ବିଜୁ ପ୍ରେମୀ ଉପସ୍ଥିତ ଥିଲେ।
