Angul News:ଅନୁଗୁଳ ଜିଲ୍ଲା ରେ ଖରିଫ୍ ଧାନ ସଂଗ୍ରହ କିଣା କାରବାର ଜାନୁଆରୀ ୫ ତାରିଖ ଠାରୁ ଆରମ୍ଭ ହେବାକୁ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି। ଧାନମଣ୍ଡୀ ଓ ଧାନ କିଣା କାରବାରରେ ବ୍ୟାପକ ସୂଛତା ର ସହିତ କରିବା ପାଇଁ ଆଜି ବିଜେପି କୃଷକ ମୋର୍ଚ୍ଚା ତରଫରୁ ଅନୁଗୁଳ ଜିଲ୍ଲା ବିଜେପି କାର୍ଯ୍ୟାଳୟ ଠାରେ ଜିଲ୍ଲା ସଭାପତି ଶ୍ରୀ ବିଜୟ କୁମାର ମାଝୀଙ୍କ ସଭାପତିତ୍ବରେ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତି ଶ୍ରୀ ମହେଶ୍ଵର ସାହୁ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଅନୁଗୋଳ ଜିଲ୍ଲାରେ ୯୯ ଟି ଧାନମଣ୍ଡୀ ଦ୍ଵାରା ଧାନ କିଣା କାରବାର ରେ ସୂଛତା ର ସହିତ ହେବା ସହିତ କଟନି ଛଟନି ବନ୍ଦ କରିବା ଓ ମିଲର ମାନଙ୍କ ର ମନମାନି କୁ ଦୃଢତାର ସହିତ ବନ୍ଦ କରାଯିବ ବୋଲି ରାଜ୍ୟ ସଭାପତି ଶ୍ରୀ ମହେଶ୍ଵର ସାହୁ ତାଙ୍କର ଭାଷଣରେ କହିଥିଲେ। ଅନୁଗୋଳ ଜିଲ୍ଲାର ସମସ୍ତ ଧାନମଣ୍ଡୀ ରେ କୃଷକ ମୋର୍ଚ୍ଚା ର କାର୍ଯ୍ୟକତା ମାନେ ଜଗିବା ସହିତ ତଦାରଖ କରିବେ ବୋଲି ବୈଠକରେ ସର୍ବସମ୍ମତି କ୍ରମେ ନିଷ୍ପତ୍ତି ନିଆଯାଇଛି। ଏହି ବୈଠକରେ ବିଜେପି ଜିଲ୍ଳା ସଭାପତି ଶ୍ରୀ ଦିଲେଶ୍ଵର ପ୍ରଧାନ, ଜିଲ୍ଲା ସାଧାରଣ ସଂପାଦକ ସୁଦୀପ୍ତ ଗଡ ନାୟକ ବିଜେପି କୃଷକ ମୋର୍ଚ୍ଚା ରାଜ୍ୟ ଉପସଭାପତି ଶ୍ରୀ ପୁଲିନ୍ ପ୍ରକାଶ ପୁହାଣ, ରାଜ୍ୟ ସଂପାଦକ ଶ୍ରୀ ପ୍ରଶାନ୍ତ କୁମାର ସ୍ଵାଇଁ, ରାଜ୍ୟ ସଂଯୋଜକ ଶ୍ରୀ ସନ୍ତୋଷ କୁମାର ବିଶ୍ବାଳ ଓ ଶ୍ରୀ ଜଗନ୍ନାଥ ଗଡନାୟକ ସିଂ, ବରିଷ୍ଠ ବିଜେପି ନେତା ଶ୍ରୀ ଦିବାକର ପ୍ରଧାନ , ରାଜ୍ୟ କାର୍ଯ୍ୟକରିଣୀ ସଦସ୍ୟ ଶ୍ରୀ ଅଜିତ କୁମାର ପ୍ରଧାନ, ପ୍ରବୀଣ କୁମାର ସାହୁ, ହୃଷୀକେଶ ପ୍ରଧାନ, ଜିବନା ନନ୍ଦ ସାହୁ ଜିତେନ୍ଦ୍ର କୁମାର ପ୍ରଧାନ ପ୍ରମୁଖ ବହୁ ବରିଷ୍ଠ ନେତୃବୃନ୍ଦ ଙ୍କ ସମେତ ଶତାଧିକ କାର୍ଯ୍ୟକତା ଯୋଗ ଦେଇଥିଲେ ଶେଷରେ କୃଷକ ମୋର୍ଚା ଉପସଭାପତି ସୁଶାନ୍ତ କୁମାର ସାମଲ ଧନ୍ୟବାଦ ଦେଇ ସଭା ସାଙ୍ଗ କଲେ ବୋଲି ଘୋଷଣା କରିଥିଲେ।
