Angul News: ବିଶ୍ୱ ଯୁବ କେନ୍ଦ୍ର ଏକ ସ୍ୱେଚ୍ଛା ସେଵୀ ଅନୁଷ୍ଠାନ ଯାହା ନଭେମ୍ବର 2020 ମସିହା ଠାରୁ ଶିଶୁ ସୁରକ୍ଷା ଉପରେ ଅନୁଗୋଳ ଜିଲ୍ଲାରେ କାର୍ଯ୍ୟରତ ଅଛି | ଭାରତ ସରକାରଙ୍କ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଓ କୈଳାସ ସତ୍ୟାର୍ଥୀ ଚିଲଡ୍ରେନ ଫାଉଣ୍ଡେସନ ସହଯୋଗରେ ବାଲ୍ୟ ବିବାହ, ଶିଶୁ ଯୌନ ନିର୍ଯ୍ୟାତନା, ଶିଶୁ ଚାଲାଣ ପ୍ରତିରୋଧ କରିବା ପାଇଁ ଗୋଷ୍ଠୀ, ବିଦ୍ୟାଳୟ, ମହାବିଦ୍ୟାଳୟ ରେ ସଚେତନତା ସୃଷ୍ଟି କରିବା ସହିତ ସ୍ଥାନୀୟ ପ୍ରଶାସନଙ୍କ ସହଯୋଗରେ ଶିଶୁ ସୁରକ୍ଷା ଉପରେ ସିଧା ସଳଖ ଭାବେ କାର୍ଯ୍ୟ କରୁଅଛି |
2020-21 ମସିହା ଠାରୁ ଅଦ୍ୟାବଧି ପ୍ରାୟ 547 ବାଲ୍ୟବିବାହ ବନ୍ଦ କରିବା ସହିତ ପ୍ରାୟ 50 ଶିଶୁ ଶ୍ରମିକଙ୍କୁ ଉଦ୍ଧାର କରାଯାଇଛି ଓ ଶିଶୁ ଯୌନ ନିର୍ଯାତନା ପାଇଁ ଶିଶୁ ଓ ଅଭିଭାବକ ମାନଙ୍କୁ ଆଇନ ଗତ ସହାୟତା ଯୋଗାଇଅଛୁ | ଏତଦ ବ୍ୟତିତ ପାଠଛାଡି ଥିବା ପ୍ରାୟ 150 ପିଲାଙ୍କୁ ବିଦ୍ୟାଳୟରେ ପୁନଃ ନାମ ଲେଖାଯାଇ ନିୟମିତ କରାଯାଇଅଛି | 2020-21 ଜାତୀୟ ପରିବାର ସ୍ୱାସ୍ଥ୍ୟ ସର୍ତ୍ତେ ଅନୁଯାୟୀ ଜାତୀୟ ସ୍ତରରେ ସତକଡା 23 ଭାଗ ବାଲ୍ୟବିବାହ ହୋଇଥିବା ସ୍ଥଳେ ଅନୁଗୋଳ ଜିଲ୍ଲାରେ 25% ହେଉ ଥିବାର ସୂଚନା ଅଛି | ସେଥିପାଇଁ ରାଜ୍ୟ ଓ ଭାରତ ସରକାରଙ୍କ ତରଫରୁ ବାଲ୍ୟ ବିବାହ ରୋକିବା, ଶିକ୍ଷାର ବିକାଶ ଓ ଥଇଥାନ ପାଇଁ ଯଥେଷ୍ଟ ପଦକ୍ଷେପ ନିଆଯାଉଥିଲେ ମଧ୍ୟ ଏହାର ସୁଫଳ ମିଳିବା କଷ୍ଟକର ହୋଇପଡୁଛି |
ଗତ 23 ସେପ୍ଟେମ୍ବର 2024 ତାରିଖରେ ମାନ୍ୟବର ଉଚ୍ଚତମ ନ୍ୟାୟଳୟଙ୍କ ନିର୍ଦେଶ ଅନୁଯାୟୀ ସ୍ଥାନୀୟ ପ୍ରଶାସନ, ସରକାର, ପଞ୍ଚାୟତ, ନିର୍ବାଚିତ ପ୍ରତିନିଧିମାନଙ୍କୁ ବାଲ୍ୟବିବାହ ରୋକିବାକୁ କ୍ଷମତା ପ୍ରଦାନ କରାଯିବ ସହିତ ଗ୍ରାମାଞ୍ଚଳ ଓ ସହରାଞ୍ଚଳରେ ବ୍ୟାପକ ସଚେତନତା ସୃଷ୍ଟି କରିବାକୁ ନିର୍ଦେଶ ଦିଆଯାଇଅଛି | ଏଥିପାଇଁ ସମସ୍ତଙ୍କୁ ଉତ୍ତର ଦାୟିତ୍ୱ ନ୍ୟସ୍ତ କରାଯାଇଅଛି |
ଭାରତ ସରକାରଙ୍କ ତରଫରୁ ଗତ 27 ନଭେମ୍ବର 2024 ରିଖରେ ବାଲ୍ୟ ବିବାହ ନିରୋଧ ସକାଶେ ଏକ ଅଭିଯାନ ଆରମ୍ଭ କରାଯାଇଅଛି | ସେଥିପାଇଁ ରାଜ୍ୟ ସରକାରମାନଙ୍କୁ 2030 ମସିହା ସୁଦ୍ଧା ସମ୍ପୂର୍ଣ ବାଲ୍ୟ ବିବାହ ରୋକିବାକୁ ଦାୟିତ୍ୱ ଦିଆଯାଇଛି | ସେ ପରିପକ୍ଷୀରେ ବିଶ୍ୱ ଯୁବ କେନ୍ଦ୍ର ତରଫରୁ ଏ ଅଭିଯାନକୁ ସ୍ୱାଗତ କରାଯିବା ସହିତ ସ୍ଥାନୀୟ ବାପୁଜୀ ମହାବିଦ୍ୟାଳୟ ଛେଣ୍ଡିପଦାରେ ଏକ ଜିଲ୍ଲା ସ୍ତରୀୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ଏତଦ ବ୍ୟତିତ 70ଟି ଗ୍ରାମରେ ସଚେତନତା ସଭା ଓ ସତ୍ୟପାଠ ଅନୁଷ୍ଠିତ ହୋଇ ଯାଇଛି | ବାଲ୍ୟ ବିବାହ ନିରୋଧ ଅଭିଯାନର ଅଵ୍ୟବହିତ ପୂର୍ବରୁ 55789 ଲୋକଙ୍କୁ ସପଥ ପାଠ କରାଯାଇ ଅଭିଯାନରେ ସାମିଲ କରାଯାଇଅଛି |
ଆମର ଦୃଢ ବିଶ୍ୱାସ ଯେ ବାଲ୍ୟ ବିବାହ ଭଳି ସାମାଜିକ ସମସ୍ୟାକୁ ପରିପ୍ରକାଶ କରିବା ଓ ରୋକିବାରେ ଗଣମାଧ୍ୟମର ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଆସିଛି | ଏ ପରିପେକ୍ଷିରେ ଆଜିର ସାମ୍ବାଦିକ ସମ୍ମିଳନୀ ରେ ଅନୁଗୋଳ ଜିଲ୍ଲାରେ ବାଲ୍ୟ ବିବାହ ରୋକିବାରେ ସରକାର ଓ ବେସରକାରୀ ଅନୁଷ୍ଠାନ ମାନଙ୍କୁ ସହଯୋଗ କରିବାକୁ ଅନୁରୋଧ କରୁଅଛୁ | ଅଦ୍ୟତା ୨୯/୧୧/୨୦୨୪ ପ୍ରଶାନ୍ତି ହୋଟେଲ ରେ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମ ରେ ଶିଶୁ ମଙ୍ଗଳ କମିଟି ର ସଦସ୍ୟ କଲ୍ୟାଣ କିଶୋର ମହାନ୍ତି, ବିଶ୍ଵ ଯୁବ କେନ୍ଦ୍ର ର ସଭାପତି ବସନ୍ତ କୁମାର ପ୍ରଧାନ,ବିଶ୍ଵ ଯୁବ କେନ୍ଦ୍ର ର ନିର୍ଦେଶକ ମନୋଜ କୁମାର ମହାପାତ୍ର ଏବଂ ବିଭିନ୍ନ ଗଣମାଧ୍ୟମ ର ପ୍ରତିନିଧି ମାନେ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମ କୁ ବିଶ୍ଵ ଯୁବ କେନ୍ଦ୍ର ର କର୍ମକର୍ତ୍ତା ଅଭିଷେକ ମହାପାତ୍ର,ଅଜୟ କୁମାର ଜଗଦଲା ଓ ପୂଜା ସ୍ୱାଇଁ ସହଯୋଗ କରିଥିଲେ |