Angul News: ହରିୟାଣା କୁରୁକ୍ଷେତ୍ରର ତିନି ଥରର ସାଂସଦ ତଥା ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି)ର ଅଧ୍ୟକ୍ଷ ଶ୍ରୀ ନବୀନ ଜିନ୍ଦଲ, ଜେଏସପିର ଅନୁଗୁଳ ୟୁନିଟରେ ‘ଶ୍ରମବୀର ପ୍ୟାଲେସ’ର ଉଦଘାଟନ କରିଛନ୍ତି। ଏହି ଶ୍ରମବୀର ପ୍ୟାଲେସ ତଥା ଶୀତତାପ ନିୟନ୍ତ୍ରିତ ଆବାସରେ 1056ଟି ଶଯ୍ୟା ରହିଛି, ଯେଉଁଠାରେ ଶ୍ରମିକମାନଙ୍କ ରହିବା ପାଇଁ ବିଶ୍ୱ ସ୍ତରୀୟ ସୁବିଧା ସୁଯୋଗ ରହିଛି | ଶ୍ରମିକମାନଙ୍କ ପାଇଁ ନିଆଯାଇଥିବା ଏହି ପଦକ୍ଷେପ କର୍ମଜୀବୀଙ୍କ ପ୍ରତି ଜେଏସପିର ପ୍ରତିବଦ୍ଧତାକୁ ପ୍ରମାଣିତ କରୁଛି |
ଏହି ଶ୍ରମବୀର ପ୍ୟାଲେସ ଅତି ସୁଚିନ୍ତିତ ଭାବରେ ଡିଜାଇନ୍ ହୋଇଛି, ଯେଉଁଥିରେ ବ୍ରାଣ୍ଡେଡ୍ ଗଦା, ଆଲମିରା ଏବଂ ଅନ୍ୟାନ୍ୟ ସୁବିଧା ସୁଯୋଗ ରହିଛି | ଯାହା କର୍ମଜୀବୀଙ୍କୁ ଉପଯୁକ୍ତ ଆରାମ ଏବଂ ସୁବିଧା ଯୋଗାଇ ଦେଇପାରିବ | ସେହିପରି ଏହି ସୁବିଧା ଶ୍ରମିକମାନଙ୍କ ପାଇଁ ଏକ ସନ୍ତୁଳିତ ଏବଂ ଆରାମଦାୟକ ପରିବେଶ ସୁନିଶ୍ଚିତ କରିବ | ଶ୍ରମିକମାନଙ୍କର ଆବଶ୍ୟକ ଆରାମକୁ ଦୃଷ୍ଟିରେ ରଖି ଏହି ଆବାସକୁ ଶୀତତାପ ନିୟନ୍ତ୍ରିତ କରାଯାଇଛି |
ଉଦଘାଟନୀ ଉତ୍ସବରେ ଶ୍ରୀ ନବୀନ ଜିନ୍ଦଲ କହିଛନ୍ତି, “ଆମ ପାଇଁ ପ୍ରତ୍ୟେକ ଶ୍ରମିକଙ୍କ ସୁରକ୍ଷା, ଉତ୍ତମ ସ୍ୱାସ୍ଥ୍ୟ, ସାମାଜିକ ସୁରକ୍ଷା ଏବଂ ଆରାମ ହେଉଛି ପ୍ରାଥମିକତା। ଆମେ କ୍ରମାଗତ ଭାବରେ ଆମ କମ୍ପାନୀର ଅଭିବୃଦ୍ଧି ତଥା ଉନ୍ନତି ପାଇଁ ପ୍ରୟାସ କରୁଥିବା ସମସ୍ତ ମାନବସମ୍ବଳର ସୁସ୍ଥତାକୁ ସୁନିଶ୍ଚିତ କରୁଛୁ ଏବଂ ନିଜକୁ ରାଷ୍ଟ୍ର ନିର୍ମାଣରେ ଉତ୍ସର୍ଗ କରୁଛୁ। “
ଶ୍ରୀ ନବୀନ ଜିନ୍ଦଲ କହିଛନ୍ତି, “ମୁଁ ଆଶା କରୁଛି, ଯେଉଁମାନେ ରାଷ୍ଟ୍ର ନିର୍ମାଣର ବଡ଼ କାରଣ ପାଇଁ ନିଜର ଶ୍ରମ ଓ ଦକ୍ଷତାକୁ ବିନିଯୋଗ କରୁଛନ୍ତି, ସେହି କର୍ମଜୀବୀଙ୍କ ପାଇଁ ଏହି ସୁବିଧା, ସକାରାତ୍ମକ ପରିବେଶ ସହ ଉତ୍ତମ ଜୀବନ ବଂଚିବାର ସୁଯୋଗ ସୃଷ୍ଟି କରିବ”
‘ଶ୍ରମବୀର ପ୍ୟାଲେସ’ର ଉଦଘାଟନ କରିବା ପରେ ଶ୍ରୀ ନବୀନ ଜିନ୍ଦଲ ବ୍ୟକ୍ତିଗତ ଭାବରେ ଗଦା, ଶଯ୍ୟା ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସୁବିଧା ସୁଯୋଗର ଗୁଣବତ୍ତା ଯାଞ୍ଚ କରିଥିଲେ। ସେହିପରି କର୍ମଜୀବୀଙ୍କ ସ୍ୱାସ୍ଥ୍ୟ ପାଇଁ ଏହାର ଗୁରୁତ୍ୱ ଉପରେ କହିବା ସହ ଶ୍ରମିକମାନଙ୍କୁ ନିରନ୍ତର ସ୍ୱଚ୍ଛତା ଓ ଏହାର ରକ୍ଷଣାବେକ୍ଷଣ ପାଇଁ ଯତ୍ନବାନ ହେବାକୁ ଅନୁରୋଧ କରିଥିଲେ।
କର୍ମଜୀବୀମାନେ ଏପରି ସୁନ୍ଦର ଆବାସ ପାଇଥିବାରୁ ସେମାନଙ୍କ ଖୁସି ଏବଂ କୃତଜ୍ଞତା ଜଣାଇବା ସହ କର୍ମଜୀବୀଙ୍କ ପାଇଁ ନିଆଯାଇଥିବା ଏହି ନିଆରା ପଦକ୍ଷେପ ଯୋଗୁଁ ଶ୍ରୀ ନବୀନ ଜିନ୍ଦଲଙ୍କୁ ଏବଂ ଜେଏସପିକୁ ଧନ୍ୟବାଦ ଜଣାଇଥିଲେ।
ଅନୁଗୁଳ ୟୁନିଟ୍ 2030 ସୁଦ୍ଧା ବିଶ୍ୱର ସର୍ବ ବୃହତ ଏକକ-ଅବସ୍ଥାନ ବିଶିଷ୍ଟ ଇସ୍ପାତ ଉତ୍ପାଦନକାରୀ ହେବାକୁ ଯାଉଛି, ଯାହାର ଆନୁମାନିକ ଉତ୍ପାଦନ କ୍ଷମତା ବାର୍ଷିକ 25 ନିୟୁତ ଟନ୍ (MTPA) ନେଇ ଲକ୍ଷ୍ୟ ରହିଛି | ଏହି ଦୃଷ୍ଟିକୋଣ ବିଶ୍ୱ ଇସ୍ପାତ ଶିଳ୍ପରେ ଜେଏସପିର ନେତୃତ୍ୱକୁ ସୂଚିତ କରୁଛି |
ଶ୍ରମବୀର ପ୍ୟାଲେସ ବ୍ୟତୀତ, ଆଉ ଦୁଇଟି ସମାନ ଆବାସ ୟୁନିଟ୍ ଶ୍ରମିକ ବିହାରରେ ବିକଶିତ କରାଯାଇଛି | ଏହି ପ୍ରଥମ ପର୍ଯ୍ୟାୟରେ ସମୁଦାୟ 3000 ଜଣଙ୍କ ରହଣୀ ପାଇଁ ଶୀତତାପ ନିୟନ୍ତ୍ରିତ ଆବାସରେ ରହଣୀ ବ୍ୟବସ୍ଥା କରାଯାଇଛି | 2025 ଶେଷ ସୁଦ୍ଧା 20,000 ଶ୍ରମିକଙ୍କୁ ରହିବା ପାଇଁ ଜେଏସପି ଏହି ସୁବିଧା ପ୍ରଦାନ କରିବାକୁ ଲକ୍ଷ୍ୟ ରଖିଛି, ଯାହାକି କର୍ମଜୀବୀ କଲ୍ୟାଣ ପାଇଁ ପ୍ରତିବଦ୍ଧତାକୁ ପ୍ରମାଣିତ କରିଛି |
ଏହି ଉଦଘାଟନୀ କାର୍ଯ୍ୟକ୍ରମରେ ଅନୁଗୁଳ ୟୁନିଟ୍ ମୁଖ୍ୟ ତଥା କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀ ପଙ୍କଜ ମାଲହାନ୍ ଏବଂ ଅନ୍ୟମାନେ ଯୋଗଦେଇ କର୍ମଜୀବୀଙ୍କ ବିକାଶ ପାଇଁ ଜେଏସପିର ସାମଗ୍ରିକ ଆଭିମୁଖ୍ୟ ପ୍ରଦର୍ଶନ କରିଥିଲେ।