Angul News: ତାଳଚେର: ତାଳଚେର ତଥା ଓଡିଶା ପ୍ରଦେଶ ପାଇଁ ଗର୍ବ ଓ ଗୌରବ ଆଣିଛନ୍ତି ସନ୍ତୋଷ ମହାପାତ୍ର। ଭାରତୀୟ ବଧିର କ୍ରିକେଟ ଦଳକୁ ମନୋନୀତ ହୋଇଛନ୍ତି ତାଳଚେର ଅଂଚଳ ର ସନ୍ତୋଷ କୁମାର ମହାପାତ୍ର। ନୂଆଦିଲ୍ଲୀରେ ଶ୍ରୀଲଙ୍କା ବିପକ୍ଷରେ ଦିନିକିଆ ସିରିଜ୍ ପାଇଁ ଅନୁଗୋଳ ଜିଲ୍ଲା ତାଳଚେର ଅଞ୍ଚଳର ସନ୍ତୋଷ କୁମାର ମହାପାତ୍ରଙ୍କୁ ଭାରତୀୟ ବଧିର କ୍ରିକେଟ୍ ଦଳରେ ସାମିଲ୍ କରାଯାଇଛି । ସନ୍ତୋଷ ତାଳଚେର ୟୁଥ୍ ସ୍ପୋର୍ଟିଙ୍ଗ୍ କ୍ଲବ ତରଫରୁ ନିଜର ଖେଳ ଜୀବନ ଆରମ୍ଭ କରି ଆଜି ଭାରତୀୟ ଦଳରେ ସାମିଲ୍ ହୋଇଛନ୍ତି।ପୁରା ଅନୁଗୋଳ-ତାଳଚେରବାସୀଙ୍କ ପକ୍ଷରୁ ଶ୍ରୀ ମହାପାତ୍ରଙ୍କୁ ଅଭିନନ୍ଦନ ଓ ଶୁଭେଚ୍ଛା ର ସୁଅ ଛୁଟିଛି। ସାଂସଦ ରୁଦ୍ର ନାରାୟଣ ପାଣି ଓ ବରିଷ୍ଠ ବିଜେପି ନେତା ଏନଏସଆଇସିର ଡାଇରେକ୍ଟର କାଳନ୍ଦି ସାମଲ ଶୁଭେଚ୍ଛା ଜଣାଇଛନ୍ତି। ଶୁକ୍ରବାର ବରିଷ୍ଠ ବିଜେପି ନେତା ଯଯାତି ପଟ୍ଟନାୟକ ୟୁଥ ସ୍ପଟିଙ୍ଗ କ୍ଳବର ଉପଦେଷ୍ଟା ତଥା ବିଜେପି ଜୋନାଲ ମିଡ଼ିଆସେଲ ସଂଯୋଜକ ପର୍ଶୁରାମ ବାରିକ ପ୍ରମୁଖ ତାଙ୍କ ବାସଭବନରେ ପହଂଚି ଶୁଭେଚ୍ଛା ଜଣାଇଛନ୍ତି। ଗଣେଶ ପ୍ରସାଦ ସାହୁ, ଅଜୟ ସାହୁ, ଜଗଦୀଶ ପ୍ରସାଦ ସିଂହ ଙ୍କ ସମେତ ବହୁ କାର୍ଯ୍ୟକର୍ତା ଶ୍ରୀ ମହାପାତ୍ର ଙ୍କୁ ଶୁଭେଚ୍ଛା ଜଣାଇଛନ୍ତି।