Angul News: ଅନୁଗୋଳ (ବ୍ୟୁରୋ ରିପୋର୍ଟ): ଅନୁଗୋଳ ସହର ଉପକଣ୍ଠ ଦୁର୍ଗାବିହାର ଅଞ୍ଚଳରୁ ସେକ୍ସ ରାକେଟ ଠାବ କରିଛି ଅନୁଗୋଳ ପୋଲିସ। ଦୀର୍ଘ ଦିନ ହେବ ଏକ ନିର୍ଦ୍ଦିଷ୍ଟ ଏ ଭଡା ଘରେ ଏହି ସେକ୍ସ ରାକେଟ ଚାଲୁଥିବା ନେଇ ପୋଲିସ ପ୍ରାକ ସୂଚନା ପାଇଥିବା ବେଳେ ଗତକାଲି ବିଳମ୍ବିତ ରାତିରେ ପୋଲିସ ସମ୍ପୃକ୍ତ ଭଡା ଘରେ ସଦଳବଳେ ଚଢ଼ାଉ କରିଥିଲା। ଚଢ଼ାଉ ବେଳେ ଘର ଭିତରୁ ଦୁଇ ଜଣ ବ୍ୟକ୍ତିଙ୍କୁ ଗିରଫ କରିଥିଲା ପୋଲିସ। ଏହା ସହ ଏହି ସେକ୍ସ ରାକେଟ ଚଳାଉଥିବା ତଥା ସେକ୍ସ ରାକେଟର କିଙ୍ଗପିନ ବୋଲି କୁହାଯାଉଥିବା ଦେବଗଡ଼ ଅଞ୍ଚଳର ଜଣେ ମହିଳାଙ୍କ ସମେତ ଦୁଇ ଜଣ ଯୁବତୀଙ୍କୁ ଉଦ୍ଧାର କରିଥିଲା ପୋଲିସ। ସମ୍ପୃକ୍ତ ଘରୁ ଅନେକ ଆପତ୍ତିଜନକ ସାମଗ୍ରୀ ଜବତ କରାଯାଇଥିବା ବେଳେ ଘଟଣାରେ ସମ୍ପୃକ୍ତ ସମସ୍ତଙ୍କର ଡାକ୍ତରୀ ମାଇନା କରାଯାଇଛି।