ଅନୁଗୋଳ(ସୁବ୍ରତ ପଟ୍ଟନାୟକ): ଆଜି ହେଉଛି କେନ୍ଦ୍ର ଶିକ୍ଷା ,ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଜନ୍ମଦିନ । ଆଜି ୫୪ ବର୍ଷ ବୟସ ରେ ପାଦ ଥାପିଛନ୍ତି ଶ୍ରୀ ପ୍ରଧାନ। ଏହି କ୍ରମରେ ତାଳଚେର ର ବିଭିନ୍ନ ସ୍ଥାନରେ ଭିନ୍ନ ଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଶେଷ ଭାବେ ପବିତ୍ର ମୋହନ ଜନ କଲ୍ୟାଣ ପରିଷଦ ପକ୍ଷରୁ ତାଳଚେର ଗୋପାଳପ୍ରସାଦ ସ୍ଥିତ ମା ହିଙ୍ଗୁଳା ଙ୍କ ପୀଠ ରେ ବହୁ ସଂଖ୍ୟାରେ ପରିଷଦ ର କାର୍ଯ୍ୟକର୍ତା ଙ୍କ ସମେତ ବିଜେପି ନେତୃମଣ୍ଡଳୀ ଓ କାର୍ଯ୍ୟକର୍ତା ପହଞ୍ଚି ମନ୍ତ୍ରୀ ଶ୍ରୀ ପ୍ରଧାନ ଙ୍କ ଦୀର୍ଘ ଜୀବନ ତଥା ଉତୋରତର କାମନା କରି ସମୂହ ପୂଜାର୍ଚ୍ଚନା ସହ ପ୍ରଦୀପ ପ୍ରଜ୍ବଳନ କରିଥିଲେ । ପରେ ପରେ ବଲଣ୍ଡା ଜଗନ୍ନାଥ କଳା କେନ୍ଦ୍ର ଠାରେ ପରିଷଦ ପକ୍ଷରୁ ଜନ କଲ୍ୟାଣ ଉଦ୍ଧେଶ୍ୟରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହା ପୂର୍ବରୁ ପରିଷଦ ର ସଦସ୍ୟ ମାନେ ସେଠାରେ କେକ କାଟି ଖୁସି ମନାଇ ଥିଲେ । ଅନୁରୁପ ଭାବେ ତାଳଚେର ବିଜେପି ପୋୖର ମଣ୍ଡଳ ପକ୍ଷରୁ ମଧ୍ୟ ଶ୍ରୀ ପ୍ରଧାନଙ୍କ ଜନ୍ମଦିନ ପରି ପ୍ରେକ୍ଷୀର ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।