ଅନୁଗୋଳ(ସୁବ୍ରତ ପଟ୍ଟନାୟକ): ଗୋଚର ଜମି ରେ ବେସରକାରୀ ସ୍କୁଲ ନିର୍ମାଣ କୁ ବିରୋଧ କଲେ ଗ୍ରାମବାସୀ । ଅନୁଗୁଳ ବ୍ଲକ ସରଧାପୁର ଗାଁ ର ପ୍ରାୟ ପାଞ୍ଚ ଏକର ଜମିରେ ଡିଏଭି ସ୍କୁଲ ନିର୍ମାଣ କୁ ତୀବ୍ର ବିରୋଧ କରିଛନ୍ତି ଗ୍ରାମବାସୀ ।ଗାଁ ରେ ରହିଥିବା ସରକାରୀ ସ୍କୁଲ ରେ ନାନାଦି ସମସ୍ୟା ଲାଗିରହିଥିବା ବେଳେ ଏହାର ପ୍ରତିକାର ନକରି ଏକ ବେସରକାରୀ ସ୍କୁଲ ନିର୍ମାଣ ନେଇ ପ୍ରଶାସନ ସହଯୋଗ କରୁଥିବା ରୁ ଏହାକୁ ବେଶ ସମାଲୋଚନା କରିଛନ୍ତି ଅଞ୍ଚଳବାସୀ । ଏହି କ୍ରମରେ ଆଜି ଗ୍ରାମବାସୀ ମାନେ ସମ୍ପୃକ୍ତ ସ୍ଥାନରେ ପହଁଚି ତୀବ୍ର ବିରୋଧ ପଦର୍ଶନ କରିଥିଲେ । ଗ୍ରାମବାସୀ ଅଭିଯୋଗ କରିଛନ୍ତି ଯେ ତାଙ୍କ ଗାଁର ଏକମାତ୍ର ଗୋଚର ଜମି ଗାଈ ଗୋରୁ ଙ୍କ ପାଇଁ ଏକମାତ୍ର ସାହା ଭରସା । ତେଣୁ ସମ୍ପୃକ୍ତ ସ୍ଥାନରେ ବେସରକାରୀ ସ୍କୁଲ ନିର୍ମାଣ ହେଲେ ଗାଈ ଗୋରୁ ଙ୍କ ପାଇଁ ଅସୁବିଧା ସୃଷ୍ଟି ହେବ । ଏହା ଛଡା ସମ୍ପୃକ୍ତ ସ୍ଥାନ ରେ ଗ୍ରାମବାସୀ ଙ୍କ ପକ୍ଷରୁ ବନୀକରଣ କରାଯାଇଥିବା ବେଳେ ଏହାର ଭବିଷ୍ୟତ କୁ ନେଇ ଚିନ୍ତାବ୍ୟକ୍ତ କରିଛନ୍ତି ଅଞ୍ଚଳବାସୀ ।