ଅନୁଗୋଳ(ସୁବ୍ରତ ପଟ୍ଟନାୟକ): ରବିବାର ଦିନ ଶ୍ରୀ ଆମ୍ମାଭଗବାନଙ୍କର କଲ୍ୟାଣ ମହୋତ୍ସବ, ମହାସମାରୋହରେ ଅନୁଗୋଳ ସ୍ଥିତ ସରସ୍ଵତୀ ବିଦ୍ୟାମନ୍ଦିର ଠାରେ ଅନୁଷ୍ଠିତ ହୋଇଯାଇଅଛି। ସୁଦୂର ଚେନ୍ନାଇ ଠାରୁ ଆସିଥିବା ଓଡ଼ିଶା ବାସୀଙ୍କର ଅତିପ୍ରିୟ ମାର୍ଗଦର୍ଶିକା ବନ୍ଦନାଜୀଙ୍କ ତତ୍ବାବଧାନରେ ଏହି ଉତ୍ସବ ପରିଚାଳିତ ହୋଇଥିଲା। ଏଥିରେ ଅନୁଗୋଳ ଜିଲ୍ଲାର ବହୁସଂଖ୍ୟାରେ ଶ୍ରଦ୍ଧାଳୁ ଭକ୍ତମାନେ ଅଂଶଗ୍ରହଣ କରିବାର ସୌଭାଗ୍ୟ ପ୍ରାପ୍ତ କରିଥିଲେ।
ଶ୍ରୀ ଆମ୍ମାଭଗବାନଙ୍କର ଦିବ୍ୟ ଅନୁଗ୍ରହ କୁ ଅନୁଗୋଳ ବାସୀ ତଥା ଉପସ୍ଥିତ ଥିବା ସମସ୍ତ ଶ୍ରଦ୍ଧାଳୁ ଭକ୍ତମାନେ ଆରୋଗ୍ୟ ପୂଜା ମାଧ୍ୟମରେ ଗ୍ରହଣ କରି, ପବିତ୍ର ସଂପର୍କ ଦିବସ ରୂପରେ ପାଳନ କରି, ସମସ୍ତେ ଶ୍ରୀ ଆମ୍ମାଭଗବାନଙ୍କୁ ନିଜ ର କୃତଜ୍ଞତା ଜ୍ଞାପନ କରିଥିଲେ।ଶେଷରେ ମାର୍ଗଦର୍ଶିକା ବନ୍ଦନାଜୀଙ୍କ ଦ୍ଵାରା ଶ୍ରୀ ଆମ୍ମାଭଗବାନଙ୍କର ଅସୀମ ଅନୁଗ୍ରହ ସମସ୍ତ ଅନୁଗୋଳ ଜିଲ୍ଲାବାସୀ ଙ୍କ ପାଇଁ ଏକ ସୁବର୍ଣ୍ଣ ଯୁଗ ପ୍ରତିଷ୍ଠା ଉଦ୍ଦେଶ୍ୟରେ ଶୁଭ କାମନା ଜଣାଇ ଉତ୍ସବକୁ ଏକ ଭାବବିହ୍ୱଳ ଭାବରେ ପରିଚାଳନା କରି ଥିବାରୁ, ଜିଲ୍ଲା ର ସମସ୍ତ ସେବକ ମାନେ ଧନ୍ୟବାଦ ଜ୍ଞାପନ କରିଥିଲେ।
