ଅନୁଗୋଳ(ଶୁଭଲକ୍ଷ୍ମୀ ଦାସ): ପଞ୍ଚାୟତ ସମିତି ବୈଠକ କୁ ଯାଇ ହଟ ହଟା ହେଲେ ପରଜଙ୍ଗ ବିଧାୟକ ନୃସିହ ଚରଣ ସାହୁ । ଏଭଳି ଏକ ରୋଚକ ଘଟଣା ଘଟିଛି ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ସମିତି କାର୍ଯ୍ୟାଳୟ ଫାଟକ ସମ୍ମୁଖରେ। ସୂଚନା ମୁତାବକ ଆଜି ନବ ନିର୍ବାଚିତ ପଞ୍ଚାୟତ ପ୍ରତିନିଧି ସରପଞ୍ଚ ସମିତି ସଭ୍ୟ ଓ ବ୍ଲକ ଅଧ୍ୟକ୍ଷା,ଙ୍କ ସମେତ ସ୍ଥାନୀୟ ବିଧାୟକ, ସାଂସଦ ଙ୍କୁ ନେଇ ପ୍ରଥମ ସମିତି ବୈଠକ ଅନୁଷ୍ଠିତ ହୋଇଥିଲା। ବୈଠକରେ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା ହୋଇଥିବା ବେଳେ, ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ଅଭାବ ଓ ଆନୁସଙ୍ଗିକ ବ୍ୟବସ୍ଥାକୁ ନେଇ ବିଧାୟକକୁ ପ୍ରଶ୍ନ କରିଥିଲେ। ଉପସ୍ଥିତ କିଛି ସରପଞ୍ଚ ଓ ସମିତି ସଭ୍ୟ। ତେବେ ଏ ନେଇ ବିଧାୟକ ମୁହଁ ଖୋଲି ନ ଥିବା ବେଳେ, ସମାନ୍ ପ୍ରସଙ୍ଗ ନେଇ ବ୍ଲକ କାର୍ଯ୍ୟଳୟ ସମ୍ମୁଖରେ ବିଧାୟକଙ୍କ ଗାଡି ସମ୍ମୁଖରେ ଧାରଣ ଦେବା ସହ ତାଙ୍କ ଗାଡିକୁ ଅଟକାଇ ଦାବି ଜଣାଇ ଥିଲେ ସାଧାରଣ ଲୋକେ। ତେବେ ବିଧାୟକ ଗାଡ଼ି ରୁ ଓହ୍ଲାଇ ନଥିବା ବେଳେ ଘଟଣା ସ୍ଥଳରେ ପୁଲିସ ଲୋକଙ୍କୁ ବୁଝାସୁଝା କରିବା ପରେ ବିଧାୟକ୍ ଙ୍କ ଗାଡିକୁ ରାସ୍ତା ଛାଡ଼ି ଥିଲେ ଲୋକେ। ତେବେ ଏ ଘଟଣା ଅଂଚଳରେ ଚର୍ଚ୍ଚାର ବିଷୟ ପାଲଟିଥିବା ବେଳେ, ବିଧାୟକ ଏ ବିଷୟରେ ମୁହଁ ନ ଖୋଲିବା ଅତ୍ୟନ୍ତ ଦୁର୍ଭାଗ୍ୟ ବୋଲି ସାଧାରଣରେ ମତ ପ୍ରକାଶ ପାଇଛି।