ତାଳଚେର(ଶୁଭଲକ୍ଷ୍ମୀ ଦାସ):ତାଳଚେର ମେଡିକାଲ କଲେଜ ପ୍ରସଙ୍ଗରେ ଗତ ବାର ତାରିଖ ଦିନ ମୁଖ୍ୟମନ୍ତ୍ରୀ ରାଜ୍ୟ ସରକାର ମେଡିକାଲ କଲେଜ ପାଇଁ ୨0 ଏକର ଜାଗା ଯୋଗାଇ ଦେଇଛନ୍ତି ବୋଲି ଟ୍ୱିଟ କରି ସୂଚନା ଦେଇଥିଲେ | ଏହି ଟ୍ୱିଟର ଜବାବ ରେ ମୁଖ୍ୟମନ୍ତ୍ରୀ ମିଛ କହିଛନ୍ତି ବୋଲି ବିଜେପି ରାଜ୍ୟ ସମ୍ପାଦକ କାଳନ୍ଦୀ ସାମଲ ପ୍ରକାଶ କରିଛନ୍ତି | ତାଳଚେର ମେଡିକାଲ କଲେଜ ସମ୍ପୂର୍ଣ ଭାବେ ଏମସିଏଲ ର ନିଜସ୍ୱ ଜାଗା ରେ ଅବସ୍ଥାପିତ ହୋଇଛି, ଏମସିଏଲ ଦ୍ୱାରା ୧୯୬0 ମସିହା ରୁ ଅଧିଗୃହିତ କୋଇଲା ନଗରୀ ମୌଜା ର ପ୍ଲଟ ନମ୍ବର ୨୪୯,୨୫୦, ୨୫୧ରେ ତାଳଚେର ମେଡିକାଲ କଲେଜ ନିର୍ମିତ ହୋଇଛି। ଏ ନେଇ ଏକ ନକ୍ସା ସହ ତାଳଚେର ଉପ ଜିଲ୍ଲାପାଳ ଙ୍କ ଚିଠି ଶ୍ରୀ ସାମଲ ଦେଖାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଟ୍ୱିଟ କରିବା ସହ ଗଣମାଧ୍ୟମ କୁ ପ୍ରକାଶ କରିଛନ୍ତି |ରାଜ୍ୟ ସରକାର ମେଡିକାଲ କଲେଜ୍ ପାଇଁ ମାଗଣା ରେ ଜାଗା ଯୋଗାଇ ଦେଇଛନ୍ତି ବୋଲି ଡିଣ୍ଡିମ ପିଟୁଛନ୍ତି। ସେ ଜାଗାଟି କେଉଁଠି, ମୁଖ୍ୟମନ୍ତ୍ରୀ ମହାଶୟ ଏତେ ମିଛ କାହିଁକି କହୁଛନ୍ତି ବୋଲି ଶ୍ରୀ ସାମଲ କହିଛନ୍ତି | ଏ ନେଇ ବିଜେଡି ର ପ୍ରତିକ୍ରିୟା ମିଳି ପାରିନାହିଁ।