ଅନୁଗୋଳ(ସୁବ୍ରତ ପଟ୍ଟନାୟକ): ଗୋଚର ଜମିରେ ପ୍ରସ୍ତାବିତ ଟ୍ରକ ଟରମିନାଲକୁ ବିରୋଧ। ଅନୁଗୁଳ ଜିଲ୍ଲା ସଦର ମହକୁମାର ସାବଳଭଙ୍ଗା ଗାଁ ମୁଣ୍ଡରେ ପ୍ରସ୍ତାବିତ ଟ୍ରକ ଟରମିନାଲକୁ ବିରୋଧ କରିଛନ୍ତି ସମ୍ପୃକ୍ତ ଗ୍ରାମବାସୀଙ୍କ ପକ୍ଷରୁ ବିରୋଧ କରାଯାଇଛି । ପ୍ରସ୍ତାବିତ ଟ୍ରକ ଟରମିନାଲ କୁ ସମ୍ପୂର୍ଣ୍ଣ ରୂପେ ବନ୍ଦ କରିବାକୁ ଦାବି କରିଛନ୍ତି ଶାବଳଭଙ୍ଗା ଗ୍ରାମବାସୀ ।
ଏହି କ୍ରମ ରେ ଆଜି ସମ୍ପୃକ୍ତ ଗ୍ରାମବାସୀ ମାନେ ଏକତ୍ରିତ ହୋଇ ଜିଲ୍ଲା କାର୍ଯ୍ୟଳୟ ରେ ପହଞ୍ଚିବା ପରେ ଏକ ଦାବିପତ୍ର ଜିଲାପାଳ ଙ୍କୁ ପ୍ରଦାନ କରିଛନ୍ତି । ଗ୍ରାମବାସୀ ଙ୍କ ଅଭିଯୋଗ ଅନୁସାରେ ଯେଉଁ ସ୍ଥାନରେ ପ୍ରଶାସନ ପକ୍ଷରୁ ଟ୍ରକ ଟରମିନାଲ କରିବାକୁ ଯୋଜନା କରିଛି ତାହା ଶାବଳଭଙ୍ଗା ଗ୍ରାମର ଗୋଚର ଜମି । ଯାହା ଗାଁର ଗାଈ ଗୋରୁ ଙ୍କ ଚରିବା ପାଇଁ ଉଦ୍ଦିଷ୍ଟ । ଏହାଛଡା ଗ୍ରାମବାସୀ ଓ ସ୍ୱୟଂ ସହାୟକ ଗୋଷ୍ଠୀ ପକ୍ଷରୁ ସଂପୃକ୍ତ ସ୍ଥାନରେ ବିଭିନ୍ନ ପ୍ରକାରର ପ୍ରାୟ ପାଞ୍ଚ ହଜାର ଗଛ ରୋପଣ କରାଯାଇଛି । ତେଣୁ ଉକ୍ତ ସ୍ଥାନରେ ଟ୍ରକ ଟରମିନାଲ ହେଲେ ବିଭିନ୍ନ ପ୍ରକାର ସମସ୍ୟା ଉତ୍ପନ୍ନ ହେବାର ଆଶଙ୍କା କରିଛନ୍ତି ଗ୍ରାମବାସୀ । ତେଣୁ ସମ୍ପୃକ୍ତ ସ୍ଥାନରେ ଟ୍ରକ ଟର ମିନାଲ ନ କରିବାକୁ ଅଡି ବସିଛନ୍ତି ଗ୍ରାମବାସୀ ।
ଗ୍ରାମବାସୀ ଙ୍କ ଦାବି ପୂରଣ ନ ହେଲେ ବାଧ୍ୟ ହୋଇ ସେମାନେ ରାଜରାସ୍ତାକୁ ଓଲ୍ହାଇବେ ବୋଲି କହିଛନ୍ତି ।
