ଅନୁଗୋଳ(ସୁବ୍ରତ ପଟ୍ଟନାୟକ):ଅନୁଗୁଳ ବନଖଣ୍ଡ ଅନ୍ତର୍ଗତ ଜରପଡା ବନାଞ୍ଚଳର କନ୍ଧ କୋଇଲି ଗ୍ରାମ ରୁ ବୁଧବାର ବିଳମ୍ବିତ ରାତିରେ ଏସଟିଏଫ ଦୁଇଟି ହାତୀ ଦାନ୍ତ ଜବତ କରିଛି । ଏହାଛଡା ଏହି ମାମଲାରେ ଜଣଙ୍କୁ ଗିରଫ କରାଯାଇଛି । ପରେ ଜବତ ହାତୀ ଦାନ୍ତ ଗିରଫ ଅଭିଯୁକ୍ତ କୁ ବନଖଣ୍ଡ ଅଧିକାରୀ ଙ୍କୁ ହସ୍ତାନ୍ତର କରିଛି ଏସଟିଏଫ । ଜବତ ହାତୀ ଦାନ୍ତ ର ଓଜନ ପ୍ରାୟ ଦୁଇ କିଲୋ ଲେଖାଏଁ ହୋଇଥିବା ଜଣାପଡିଛି । ଘଟଣା ର ଅଭିଯୁକ୍ତ ଦୁର୍ଯ୍ୟୋଧନ ପ୍ରଧାନ ର ଘର ବେତର ଗ୍ରାମ ରେ ହୋଇଥିବା ବେଳେ ଦୀର୍ଘ ଦିନ ହେବ ସେ ନିଜ ଶ୍ୱଶୁର ଘର କନ୍ଧ କୋଇଲି ଗ୍ରାମରେ ରହି ଆସୁଥିଲେ । ଇତି ମଧ୍ୟରେ ଆଜି ଅଭିଯୁକ୍ତ ଦୁର୍ଯ୍ୟୋଧନ କୁ କୋର୍ଟ ଚାଲାଣ କରାଯାଇଥିବା ବେଳେ ଦୁର୍ଯ୍ୟୋଧନ ନିର୍ଦ୍ଦିଷ୍ଟ ଭାବେ କେଉଁ ଠାରୁ ଉକ୍ତ ହାତୀ ଦାନ୍ତ ପାଇଥିଲା ଓ ଘଟଣା ରେ ଆଉ କାହାରି ସମ୍ପୃକ୍ତି ଅଛି କି ନାହିଁ ସେ ନେଇ କୌଣସି ସୂଚନା ବିଭାଗ ପକ୍ଷରୁ ଦିଆଯାଇନାହିଁ ।