ଅନୁଗୋଳ(ସୁବ୍ରତ ପଟ୍ଟନାୟକ): ସ୍ବାଧିନତାର ୭୫ ବର୍ଷ ଅବସରରେ ଦେଶ ଆଜାଦ୍ କି ଅମୃତ ମହୋତ୍ସବ ପାଳନ କରୁଥିବା ସମୟରେ ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜି ଙ୍କ ଆହ୍ବାନ କ୍ରମେ ଦେଶ ବ୍ୟାପି ଆଜି ଠାରୁ ହର ଘର ତ୍ରିରଙ୍ଗା ଅଭିଯାନ ଆରମ୍ଭ ହୋଇଛି । ଏହି ପରିପ୍ରକ୍ଷୀରେ ଆଠମଲ୍ଲିକ ବିଜେପି ପକ୍ଷରୁ ବିଜେପି ଯୁବନେତା ସଂଗ୍ରାମ ମହାପାତ୍ର ଙ୍କ ନେତୃତ୍ୱ ରେ ଏକ ବିଶାଳ ତ୍ରିରଙ୍ଗା ବାଇକି ରାଲି ଅନୁଷ୍ଠିତ ହୋଇଯାଇଛି।ଓଡିଶା ବାସୀଙ୍କ ମନରେ ଆହୁରି ଦେଶପ୍ରୀୟତା ଜାଗ୍ରତ କରିବା ପାଇଁ ଏବଂ ଲୋକମାନଙ୍କୁ ନିଜ ଘରେ ତ୍ରିରଙ୍ଗା ଲଗାଇ ଏହି ଅମୃତ ମହୋତ୍ସବକୁ ପାଳନ କରିବା ପାଇଁ ଆଠମଲ୍ଲିକ ଭାରତୀୟ ଜନତା ପାର୍ଟି ତରଫରୁ କିଶୋର ନଗର ସାଧୁପାଳ ମନ୍ଦିରରୁ ତିରଙ୍ଗା ବାଇକି ରାଲି ଆରମ୍ଭ ହୋଇ କିଶୋର ନଗରର ବିଭିନ୍ନ ପଞ୍ଚାୟତ ବୁଲି ଶେଷରେ କିଶୋର ନଗର କଲେଜ ଛକ ଠାରେ ସମାପ୍ତ ହୋଇଯାଇଛି । ପ୍ରବଳ ବର୍ଷା ସତ୍ତ୍ୱେ ଏହି ବାଇକ୍ ରାଲିରେ ଯୁବମୋର୍ଚ୍ଚା ସମ୍ପାଦକ ଚିକୁନ ବିଶ୍ୱାଳ,ନାକଚି ମଣ୍ଡଳ ସଭାପତି ସତ୍ୟନାରାୟଣ ପ୍ରଧାନ ,କିଶୋର ନଗର ମଣ୍ଡଳ ଯୁବମୋର୍ଚ୍ଚା ସାଧାରଣ ସମ୍ପାଦକ ସତ୍ୟାନନ୍ଦ ସାହୁ, ନାକଚି ଯୁବମୋର୍ଚ୍ଚା ସାଧାରଣ ସମ୍ପାଦକ ସତ୍ୟଜିତ ସାହୁ , ଦିବ୍ୟ ରଞ୍ଜନ ସାହୁ, ଧନଞ୍ଜୟ ପ୍ରଧାନ, ଅମିତ୍ ପ୍ରଧାନ ପ୍ରମୁଖ ଏବଂ ଆଠମଲ୍ଲିକ ନିର୍ବାଚନ ମଣ୍ଡଳୀର ଅନ୍ୟ ନେତୃଗଣ ଓ କାର୍ଯ୍ୟକର୍ତ୍ତା ମାନେ ସାମିଲ ହୋଇଥିଲେ ।