ଅନୁଗୋଳ: ଅନୁଗୋଳରେ ଆରମ୍ଭ ହୋଇଛି ୫୪ତମ ରାଜ୍ୟସ୍ତରୀୟ ସିନିୟର ଖୋ ଖୋ ଚମ୍ପିୟାନସିପ ।ଆସନ୍ତା ୧୫ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ଚମ୍ପିୟାନ ସିପିରେ ୨୩ଟି ଦଳ ଭାଗ ନେଇଛନ୍ତି । ଉଭୟ ପୁରୁଷ ମହିଳା ବର୍ଗରେ ଖେଳାଳିମାନେ ଭାଗ ନେଇଛନ୍ତି। ଆଜି ଏହି ଚମ୍ପିୟାନସିପକୁ ଉଦଘାଟନ କରାଯାଇଛି। ରାଜ୍ୟ ସରକାରଙ୍କ କ୍ରୀଡା ମନ୍ତ୍ରାଳୟ ପକ୍ଷରୁ ଏହି ପ୍ରତିଯୋଗିତାର ଆୟୋଜନ କରାଯାଇଛି। ଏଠାରୁ ଚୟନ ହେବା ଖେଳାଳି ଆସନ୍ତା ୨୬ ତାରିଖରେ ମଧ୍ୟପ୍ରଦେଶର ଜବଲପୁରରେ ହେବାକୁ ଥୁବା ଜାତୀୟ ଖୋ ଖୋ ଚମ୍ପିୟାନସିପିରେ ଭାଗ ନେବେ। ଅନୁଗୋଳ ଷ୍ଟାଡିୟମରେ ଚାରୋଟି କୋର୍ଟରେ ଏହି ପ୍ରତିଯୋଗିତା କରାଯାଇଛି। ଜିଲା ଜିଲା ମଧ୍ୟରେ ନକ ଆଉଟ ଓ ଲିଗ ପର୍ଯ୍ୟାୟରେ ମ୍ୟାଚ କରାଯାଇଛି । ଅନୁଗୋଳ ଜିଲା ପ୍ରଶାସନ ର ସହଯୋଗ ଏହି ପ୍ରତିଯୋଗିତା ଆୟୋଜନ କରାଯାଇଛି। ଉଦଘାଟନ ଉତ୍ସବରେ ଛେଣ୍ଡିପଦା ବିଧାୟକ ସୁଶାନ୍ତ ବେହେରା, ପାଳଲହଡା ବିଧାୟକ ମୁକେଶ ପାଲ ଓ ଅନ୍ୟ ସରକାରୀ ଅଧିକାରୀମାନେ ଯୋଗ ଦେଇଥିଲେ।