ଅନୁଗୋଳ(ସୁବ୍ରତ ପଟ୍ଟନାୟକ): ଘର ଘର ମେ ଯୋଗ ଘର କେ ବାହାର ରୋଗ , ସୁସ୍ଥ ଭାରତ ସମର୍ଥ ଭାରତ ଏଭଳି କିଛି ସ୍ଲୋଗାନ ଦେଇ ଆଜି
ଅନୁଗୁଳ ରେ ଅନୁଷ୍ଠିତ ହୋଇଛି ଯୋଗ ଜାଗରଣ ରାଲି । ଆସନ୍ତା ୨୧ ତାରିଖରେ ପାଳନ ହେବାକୁ ଥିବା ଅଷ୍ଟମ ବିଶ୍ୱ ଯୋଗ ଦିବସ ଉପଲକ୍ଷେ ଅନୁଗୁଳ ସଦର ମହକୁମା ଠାରେ ସଚେତନତା ଉଦ୍ଧେଶ୍ୟରେ ଏକ ରାଲି ଅନୁଷ୍ଠିତ ହୋଇଯାଇଛି ।
ସ୍ଥାନୀୟ ଷ୍ଟାଡିୟମ ପରିସର ରୁ ଏହି ରାଲି ସହର ର ପ୍ରମୁଖ ରାସ୍ତା ଦେଇ ବସଷ୍ଟାଣ୍ଡ ଓ ଥାନା ଛକ ଦେଇ ପୁନଃ ଷ୍ଟାଡିୟମ ଠାରେ ପହଞ୍ଚିଥିଲା ।
ବିଭନ୍ନ ଶିକ୍ଷାନୁଷ୍ଠାନ ସମେତ ବିଭିନ୍ନ ସାମାଜିକ ଅନୁଷ୍ଠାନ ର ଛାତ୍ରଛାତ୍ରୀ ଓ କାର୍ଯ୍ୟକର୍ତା ଏହି ଅବସରରେ ଯୋଗ ଦେଇଥିଲେ । ଅନୁଗୁଳ ଉପଜିଲ୍ଲାପାଳ ଵୈତୁରା ଦୀପ ପ୍ରଥମେ ପତାକା ଦେଖାଇ ଏହି ରାଲି ର ଶୁଭାରମ୍ଭ କରିଥିଲେ । ଆସନ୍ତା ୨୧ ତାରିଖରେ ବିଶ୍ୱ ଯୋଗ ଦିବସ ରେ ଅନୁରୂପ ଭାବେ ସ୍ଥାନୀୟ ଇନ ଡୋର ହଲ ରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବା ସହ ଏଥିରେ ସାଂସଦ ମହେସ ସାହୁ ଯୋଗ ଦେବାକୁ ସ୍ୱୀକୃତି ଦେଇଥିବା ନେଇ ଯୋଗଚାର୍ଯ୍ୟ ଅଭୟ ରାୟଙ୍କ ପକ୍ଷରୁ କୁହାଯାଇଛି ।
