ଅନୁଗୋଳ(ସୁବ଼ତ ପଟ୍ଟନାୟକ): ମାତୃ ଦିବସରେ ମାତୃତ୍ୱ ଉପରେ କଳଙ୍କ ଲଗାଇଲା ମା । ନିଜ ଜନ୍ମିତ ଶିଶୁ କନ୍ୟା କୁ ପ୍ରସବ ପରେ ଜଙ୍ଗଲ ରେ ଛାଡି ପଳାଇଲା ଜନ୍ମଦାତ୍ରୀ । ଏଭଳି ଏକ ଅଭାବନୀୟ ଘଟଣା ଘଟିଲା ଅନୁଗୁଳ ଜିଲା ବନ୍ତଳା ଥାନା ପୋକତୁଙ୍ଗା ଗ୍ରାମରେ । ସୂଚନା ଅନୁସାରେ ପୋକତୁଙ୍ଗା ଗାଁ ଜଙ୍ଗଲ ମଝିରେ ଥିବା ବର ଗଛ ତଳେ ଏକ ନବଜାତ ଶିଶୁକନ୍ୟା କୁ ଠାବ କରାଯାଇ ଉଦ୍ଧାର କରାଯାଇଛି । ଉକ୍ତ ଜଙ୍ଗଲ କୁ ଛେଳି ଚାରାଳି ଯାଇଥିବା ବେଳେ ଶିଶୁ କନ୍ୟା ର କାନ୍ଦ ଶୁଣି ସେଠାରେ ନବଜାତ କୁ ଦେଖିଥିଲେ । ପରେ ଏ ନେଇ ସେ ଗ୍ରାମବାସୀ ଙ୍କୁ ଅବଗତ କରାଇଥିଲେ । ପରେ ପରେ ଗ୍ରାମବାସୀ ଙ୍କ ପକ୍ଷରୁ ଏନେଇ ଉଭୟ ବନ୍ତଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଚିକିତ୍ସକ ଡା ଘନଶ୍ୟାମ ବେହେରା ଓ ଥାନା ଅଧିକାରିଣୀ ସୁମିତ୍ରା ପାତ୍ର ଙ୍କୁ ଅବଗତ କରାଇଥିଲେ । ପରେ ଗ୍ରାମବାସୀ ମାନେ ଶିଶୁକନ୍ୟା ଟିକୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣିବା ପରେ ସେଠାରେ ତାର ପ୍ରାଥମିକ ଚିକିତ୍ସା ପରେ ଶିଶୁକନ୍ୟା ଟିକୁ ଅନୁଗୁଳ ମୁଖ୍ୟ ଚିକିତ୍ସାଳୟର ଏସଏନସିୟୁ ଭର୍ତ୍ତି କରାଯାଇଛି ।