ଅନୁଗୁଳ(ସୁବ୍ରତ ପଟ୍ଟନାୟକ): ସହର ର ସର୍ବପୁରାତନ ଦୁର୍ଗାପୂଜା କମିଟି ଅମଲାପଡାର ଏକ ବ୍ୟଠକ ରବିବାର ସନ୍ଧ୍ୟାରେ ଅମଲାପଡା ସ୍ଥିତ ଦୁର୍ଗା ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି । ଚଳିତ ବର୍ଷ ଏହି ପୂଜା କମିଟି ପକ୍ଷରୁ ୯୬ ତମ ଦୁର୍ଗା ପୂଜା ଏହି ମଣ୍ଡପ ରେ ଅନୁଷ୍ଠିତ ହେବାକୁ ଅଛି ।
ଗତବର୍ଷ ପୂଜା କମିଟି ର ସଭାପତି ଶ୍ରୀ ଭକ୍ତି ପ୍ରସାଦ ଦାସ ଙ୍କ ସଭାପତିତ୍ୱ ରେ ଆରମ୍ଭ ହୋଇଥିବା ଏହି ବ୍ୟଠକ ପ୍ରାରମ୍ଭରେ ବିଗତ ବର୍ଷ ର ଆୟ ବ୍ୟୟ ର ବିସ୍ତୃତ ଲିଖିତ ବିବରଣୀ ପଠନ କରାଯିବା ସହ ଏହାର ଏକକିତା ନକଲ ଉପସ୍ଥିତ ସଦସ୍ୟ ମାନଙ୍କୁ ପ୍ରଦାନ କରାଯାଇଥିଲା । ସର୍ବ ସମତି କ୍ରମେ ଏହା ଗୃହୀତ ହେବା ପରେ ଚଳିତ ବର୍ଷ ର ଦୁର୍ଗା ପୂଜା ନିମନ୍ତେ ନୂତନ କର୍ମକର୍ତା ଚୟନ କରାଯାଇଥିଲା । ଏହି କ୍ରମରେ ସଭାପତି ଭାବେ ଭକ୍ତି ପ୍ରସାଦ ଦାସ , କାର୍ଯ୍ୟକାରୀ ସଭାପତି ତପନ ଦାସ , ଉପସଭାପତି ନରୋତ୍ତମ ମହାନ୍ତି ଓ ହିମାଂଶୁ ଦ୍ବିବେଦୀ ଙ୍କୁ ଚୟନ କରାଯାଇଥିବା ବେଳେ ସମ୍ପାଦକ ଭାବେ ଦୀପକ କୁମାର ସାମନ୍ତ ଓ ସହ ସମ୍ପାଦକ ଭାବେ ଅମୀୟ କୁମାର ଦାସ , ସୁକାନ୍ତ ସାହୁ , କଲୋଳ ପ୍ରଧାନ ଙ୍କୁ ମନୋନୀତ କରାଯାଇଥିଲା । ସେହିପରି କୋଷାଧ୍ୟକ୍ଷ ଭାବେ ଅଜୟ କୁମାର ପଟ୍ଟନାୟକ ଓ ଜ୍ୟୋତି ପ୍ରକାଶ ତ୍ରିପାଠୀ ମନୋନୀତ ହୋଇଛନ୍ତି ।
କରୋନା କଟକଣା ଯୋଗୁଁ ପ୍ରାୟ ଦୁଇ ବର୍ଷ ଧରି ନିରାଡ଼ମ୍ବର ଭାବେ ପାଳନ କରାଯାଇଥିବାବେଳେ ଚଳିତ ଥର ଆଡମ୍ବର ସହ ପୂଜା କାର୍ଯ୍ୟ ଅନୁଷ୍ଠିତ ହେବା ନେଇ ବ୍ୟଠକ ରେ ଚୂଡାନ୍ତ ହୋଇଛି । ସେହିପରି ପୂଜା କୁ ଆଖି ଆଗରେ ରଖି ଦୁର୍ଗା ମଣ୍ଡପ ପରିସର ସଫାସୁତୁରା ସହ ଆବଶ୍ୟକ କାର୍ଯ୍ୟ ପାଇଁ କମିଟି ପକ୍ଷରୁ ସ୍ଥାନୀୟ ପୌର ନିର୍ବାହୀ ଅଧିକାରୀ ଙ୍କୁ ଭେଟି ଆଲୋଚନା ପାଇଁ ନିଷ୍ପତ୍ତି ନିଆଯାଇଛି ।