ଅନୁଗୋଳ(ସୁବ୍ରତ ପଟ୍ଟନାୟକ): ଦେଶ ସ୍ବାଧୀନତା ର ୭୫ ବର୍ଷ ପରି ପ୍ରେକ୍ଷୀରେ ସାରା ଦେଶରେ ଅମୃତ ମହୋତ୍ସବ କାର୍ଯ୍ୟକ୍ରମ ଅବସରରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେଉଥିବା ବେଳେ ତାଳଚେର ସ୍ଥିତ ତାଳଚେର ଫର୍ଟିଲାଇଜର ଲିମିଟେଡ଼ ବା ଟିଏଫଏଲ ପକ୍ଷରୁ ହର ଘର ତ୍ରିରଙ୍ଗା କାର୍ଯ୍ୟକ୍ରମ ର ଏକ ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମ ଟିର ଶୁଭାରମ୍ଭ ଟିଏଫଏଲ ର ମହାପ୍ରବନ୍ଧକ ( ପ୍ରକଳ୍ପ) ସତ୍ୟବ୍ରତ ମିଶ୍ର ପତକା ଦେଖାଇ ଶୁଭାରମ୍ଭ କରିଥିଲେ ।
ଏହି କ୍ରମରେ ପ୍ରଥମେ ସିଆଇଏସଏଫ ୟୁନିଟ କୁ ଜାତୀୟ ପତାକା ଅର୍ପଣ କରାଯାଇଥିଲା । ପରେ ଏକ ଶୋଭାଯାତ୍ରା ମୀନାବଜାର , ମୁଣ୍ଡା ବଜାର , ହାଉସିଂ ବୋର୍ଡ ଦେଇ ପୁନଃ ପ୍ଲାଣ୍ଟ ପରିସର କୁ ଫେରିଥିଲା ।ଏହି କାର୍ଯ୍ୟକ୍ରମ ରେ ଟିଏଫଏଲ , ପିଡ଼ିଆଇଏଲ , ଏଫସିଆଇଏଲ , ସିଆଇଏସଏଫ ଓ କାର୍ଯ୍ୟରତ ସମସ୍ତ ଠିକା ସଂସ୍ଥା ର ପ୍ରତିନିଧି ତଥା କର୍ମଚାରୀ ଭାଗ ନେଇଥିଲେ ।ଉକ୍ତ ସଚେତନତା ଶୋଭାଯାତ୍ରା କୁ ମୁଖ୍ୟ ପ୍ରବନ୍ଧକ ( ସମ୍ପର୍କ ) ସୁମନ୍ତ ପ୍ରଧାନ ସଞ୍ଚାଳନ କରିଥିଲେ ।
